Health Tips : महिलांना वारंवार थकवा जाणवत असेल तर 'ही' 5 कारणं असू शकतात; दुर्लक्ष करणं पडू शकतं महागात
Health Tips : व्यस्त जीवनशैली आणि कामाचा अतिरेक यामुळे थकवा जाणवणं ही अगदी स्वाभाविक बाब आहे.
Health Tips : घरातील कामांबरोबरच ऑफिसचं काम देखील सांभाळणं हे काम महिला (Women) अगदी काटेकोरपणे याचं पालन करतात. काम आणि कुटुंब यांची जबाबदारी सांभाळणं, मुलांचं संगोपन करणं यामध्ये स्त्रिया इतक्या व्यस्त असतात की त्यांना त्यांच्या आरोग्याकडे लक्ष देता येत नाही. ही लक्षणं जरी सुरुवातीला दिसत नसली तरी मात्र, वाढत्या वयाबरोबर महिलांना थकवा जाणवतो. व्यस्त जीवनशैली (Lifestyle) आणि कामाचा अतिरेक यामुळे थकवा जाणवणं ही अगदी स्वाभाविक बाब आहे. पण या कामाच्या ओझ्यामुळे नेहमी थकवा येत नाही. तर, यामागे इतरही अनेक कारणं असू शकतात. ज्यांच्याकडे दुर्लक्ष करणं महिलांसाठी घातक ठरू शकते. ही लक्षणं कोणती ते जाणून घेऊयात.
अशक्तपणा जाणवणे
महिलांमध्ये थकवा येण्याचे अशक्तपणा हे एक प्रमुख कारण आहे. अशक्तपणामुळे शरीरातील लाल रक्तपेशींचे उत्पादन कमी होते. यामुळे एखाद्याला खूप थकवा जाणवू शकतो. अशक्तपणामुळे झोपही कमी होऊ लागते. हृदयाचे ठोके वाढू लागतात आणि डोकेदुखीही जाणवते.
थायरॉईडचा त्रास
थायरॉईडमुळे शरीरातील हार्मोन्सचे संतुलन बिघडू लागते. यामुळे अनेक गंभीर समस्यांना सामोरे जावे लागते. थकवा आणि अशक्तपणा व्यतिरिक्त, थायरॉईडमुळे वजन वेगाने वाढते किंवा कमी होते, केस गळतात आणि त्वचा कोरडी दिसते. मूड स्विंग्सही होऊ लागतात.
मधुमेहाचा धोका
मधुमेह हा आता सामान्य आजार झाला आहे. यामुळे महिलांना अनेक अडचणीतून जावे लागते. वारंवार तहान लागणे आणि लघवी होणे ही त्याची लक्षणे आहेत.
नैराश्याने ग्रस्त
नैराश्य आता एक सामान्य समस्या बनली आहे. नैराश्याने ग्रस्त असलेल्या कोणत्याही व्यक्तीला केवळ भूक आणि तहान लागते असे नाही तर पौष्टिकतेची कमतरता देखील जाणवू लागते. झोप येणे कठीण होते आणि स्मरणशक्तीवर परिणाम होतो. नकारात्मक विचारही प्रबळ होतात.
व्हिटॅमिन डीची कमतरता
महिलांच्या शरीरात व्हिटॅमिन डी देखील हळूहळू कमी होऊ लागते. जे थकव्याचे कारण बनते. या जीवनसत्त्वाच्या कमतरतेमुळे शरीरातील हाडे आणि स्नायू कमकुवत होऊ लागतात.
थकवा जाणवणे
जर तुम्हाला वारंवार थकवा जाणवत असेल तर वेळीच रक्ताची तपासणी करणे गरजेचे आहे. तसेच, व्हिटॅमिन डी, थायरॉईड आणि अॅनिमियाची तपासणी करणे चांगले आहे.
टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.
महत्त्वाच्या बातम्या :
महत्त्वाच्या बातम्या
