Bhagat Singh Jayanti: केवळ भारतातच नाही, तर पाकिस्तानातही भगत सिंहांचे चाहते अनेक! वर्षानुवर्षे 'ते' स्मृती जपतात, जाणून घ्या..

Bhagat Singh Jayanti: भगत सिंह यांच्या स्मरणार्थ पाकिस्तानातही दरवर्षी विशेष कार्यक्रम आयोजित केले जातात, एक संस्था त्यांच्या स्मृती जपण्याचे काम वर्षानुवर्षे करत आहे.

Bhagat Singh Jayanti 2024 lifestyle marathi news

Source : Google

Bhagat Singh Jayanti 2024: प्रत्येक भारतीयाचे हृदयसम्राट समजले जाणारे शहीद-ए-आझम म्हणजेच भगत सिंह (Bhagat Singh) हे असे क्रांतिकारक होते, ज्यांनी देशासाठी स्वातंत्र्याची ज्योत पेटवली. स्वातंत्र्यासाठी प्राणाची आहुती द्यावी लागली तरी मागे हटू नये, असे त्यांनी सांगितले. भगत सिंह यांच्यासोबत स्वातंत्र्याच्या लढाईत चंद्रशेखर आझाद आणि इतर क्रांतिकारकांचाही सहभाग होता. भगत सिंह यांना हिंदी, उर्दू, इंग्रजी, पंजाबी, संस्कृत, बंगाली आणि आयरिश भाषांचे उत्तम प्रभुत्व होते. ते एक उत्तम वक्ते होते. देशातील समाजवादाचे पहिले व्याख्याते होते. त्यांनी दोन वृत्तपत्रांचे संपादनही केले. भगतसिंग यांचा जन्म 28 सप्टेंबर 1907 रोजी लायलपूर जिल्ह्यातील बंगा येथे झाला. सध्या हे ठिकाण पाकिस्तानात आहे.

 

पाकिस्तानातही विशेष कार्यक्रमांचे आयोजन

थोर क्रांतिकारक आणि वयाच्या अवघ्या 23 व्या वर्षी देशासाठी बलिदान करणारे भगत सिंह यांचा जन्म 28 सप्टेंबर 1907 रोजी लायलपूर जिल्ह्यातील बंगा येथे झाला. सध्या हे ठिकाण पाकिस्तानात आहे. 23 मार्च 1931 रोजी भगत सिंह, राजगुरू आणि सुखदेव यांना लाहोरच्या सेंट्रल जेलमध्ये ब्रिटीश अधिकाऱ्याच्या हत्येप्रकरणी फाशी देण्यात आली होती. हा दिवस हुतात्मा दिन म्हणून साजरा केला जातो. पाकिस्तानातही भगत सिंह यांच्या स्मरणार्थ दरवर्षी विशेष कार्यक्रम आयोजित केले जातात. शेजारील देशात भगतसिंग मेमोरियल फाऊंडेशन नावाची संस्था पाकिस्तानात भगतसिंगांच्या स्मृती जपण्याचे काम वर्षानुवर्षे करत आहे.

 

भगत सिंह यांचे क्रांतिकारी विचार...

-भगत सिंह म्हणाले होते - देशभक्त, प्रेमी आणि कवी एकाच माळेचे मणी असतात आणि लोक त्यांना वेडे म्हणतात.
-भगत सिंह म्हणायचे की, आयुष्य फक्त स्वतःच्या खांद्यावर जगले जाते, अंत्यविधी इतरांच्या खांद्यावरच होतात.
-शहीद-ए-आझम म्हणायचे की, लोकांना चिरडूनही तुम्ही त्यांच्या विचारांना मारू शकत नाही.
-ते मला मारू शकतात, पण माझ्या विचारांना नाही. ते माझ्या शरीराला चिरडून टाकू शकतात, परंतु माझ्या आत्म्याला नाही
-कर्णबधिरांना स्वतःला ऐकवायचे असेल तर आवाज मोठा असावा लागतो
-विचारांच्या जोरावर क्रांतीची तलवार धारदार होते, क्रांती बॉम्ब आणि पिस्तुलाने येत नाही.
-क्रांतिकारी विचारांची दोन महत्त्वाची वैशिष्ट्ये म्हणजे निर्दयी टीका आणि स्वतंत्र विचार.

इंग्रजी, हिंदी, उर्दूसह अनेक भाषांचे ज्ञान

तरुणाईच्या हृदयाचे ठोके असलेले शहीद-ए-आझम भगतसिंग यांना हिंदी, उर्दू, इंग्रजी, पंजाबी, संस्कृत, बंगाली आणि आयरिश भाषांचे उत्तम प्रभुत्व होते. ते एक उत्तम वक्ते होते आणि भारतातील समाजवादावरील पहिले व्याख्याते होते. भगत सिंह यांनी दोन वृत्तपत्रांचे संपादनही केले.

 

हेही वाचा>>>

 

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )