BOB Recruitment 2023 : बँक ऑफ बडोदामध्ये भरती, 250 पदांवर भरती; अर्ज दाखल करण्यासाठी उरले अवघे काही दिवस
Bank Of Baroda Recruitment 2023 : बँक ऑफ बडोदा भरतीअंतर्गत 250 पदांवर भरती केली जाणार असून अर्ज करण्याची शेवटची तारीख 26 डिसेंबर 2023 आहे. अर्ज दाखल करण्यासाठी अवघे काही दिवस शिल्लक आहेत.
Job Vacancy : बँकेत नोकरीच्या (Bank Job) संधीची वाट पाहत असाल, तर ही संधी सोडू नका. बँक ऑफ बडोदाने (Bank of Baroda) मध्ये नोकरभरती केली जात आहे. बँकेने वरिष्ठ व्यवस्थापक (Senior Manager) पदांच्या भरतीसाठी इच्छुक उमेदवारांकडून अर्ज मागवले आहेत. बँक ऑफ बडोदाने (Bank of Baroda) नवीन भरतीसाठी अधिसूचना जारी केली आहे. या भरतीसाठी उमेदवार ऑनलाईन अर्ज दाखल करु शकतात. या भरतीसाठी इच्छुक आणि पात्र उमेदवार बँक ऑफ बडोदाच्या bankofbaroda.in या अधिकृत वेबसाइटवर अर्ज करू शकतात.
BOB Recruitment 2023 : बँक ऑफ बडोदामध्ये नोकरीची संधी
बँक ऑफ बडोदाने (Bank of Baroda) ची भरती प्रक्रिया सुरु झाली असून या भरतीसाठी अर्ज करण्याची शेवटची तारीख 26 डिसेंबर 2023 आहे. अर्ज दाखल करण्यासाठी अवघे काही दिवस शिल्लक असून इच्छुक उमेदवारांनी शेवटच्या दिवसाची वाट न पाहता लगेच अर्ज दाखल करा. या भरती प्रक्रियेद्वारे बँक ऑफ बडोदामध्ये वरिष्ठ व्यवस्थापकाची एकूण 250 पदे भरली जाणार आहेत.
Bank Of Baroda Recruitment 2023 : महत्त्वाच्या तारखा
अर्ज प्रक्रिया सुरु झाल्याची तारीख : 6 डिसेंबर 2023
अर्ज करण्याची शेवटची तारीख : 26 डिसेंबर 2023
Bank Of Baroda Recruitment 2023 : शैक्षणिक पात्रता
मान्यताप्राप्त संस्था किंवा विद्यापीठातून 60 टक्के गुणांसह बॅचलर पदवी. यासोबत रिलेशनशिप किंवा क्रेडिट मॅनेजमेंटचा आठ वर्षांचा अनुभव असावा.
Bank Of Baroda Recruitment 2023 : वयोमर्यादा
वयाबद्दल बोलायचे झाल्यास, उमेदवाराचे किमान वय 1 डिसेंबर 2023 रोजी 28 वर्षे आणि कमाल वय 37 वर्षे असावे. राखीव प्रवर्गातील उमेदवारांना कमाल वयोमर्यादेत सूट मिळेल.
Bank Of Baroda Recruitment 2023 : अर्ज फी
सामान्य, EWS आणि OBC श्रेणीतील उमेदवारांना कर आणि पेमेंट गेटवे शुल्कासह 600 रुपये अर्ज शुल्क भरावे लागेल. SC, ST, PWD आणि महिला प्रवर्गातील उमेदवारांना कर आणि पेमेंट गेटवे शुल्कासह 100 रुपये भरावे लागतील. अर्जाची फी डेबिट कार्ड किंवा क्रेडिट कार्ड किंवा नेट बँकिंगद्वारे ऑनलाइन पद्धतीने भरावी लागेल.
Bank Of Baroda Recruitment 2023 : निवड प्रक्रिया
BOB पात्र उमेदवारांची ऑनलाइन चाचणी, गट चर्चा आणि मुलाखतीद्वारे भरती करेल. ऑनलाइन चाचणी इत्यादींची माहिती बँकेकडून वेळेत दिली जाईल.
महत्त्वाच्या बातम्या
ट्रेंडिंग न्यूज
