YouTube Record : रकुल प्रीतचा चित्रपट बॉक्स ऑफिसवर फ्लॉप, पण यूट्युबवर सुसाट; 100 कोटी व्ह्यूज मिळवणारा जगातील पहिला चित्रपट
Jaya Janaki Nayaka YouTube Record : दाक्षिणात्य सुपरस्टार बेलमकोंडा साई श्रीनिवास आणि रकुल प्रीत सिंग यांच्या चित्रपटाच्या हिंदी डब व्हर्जनने यूट्युबवर 100 कोटी व्ह्यूजचा टप्पा पार केला.
YouTube Movie World Record : दाक्षिणात्य चित्रपटसृष्टीतील (South Cinema) चित्रपटांची क्रेझ केवळ भारतातच नाही, तर जगभरात झपाट्याने वाढत आहे. अशातच आता एका दाक्षिणात्य चित्रपटाने थेट जागतिक पातळीवर एक असा ऐतिहासिक विक्रम केला आहे, जो आजवर कोणत्याही भारतीय किंवा हॉलिवूड चित्रपटालाही जमलेला नाही. दाक्षिणात्य सुपरस्टार बेलमकोंडा साई श्रीनिवास (Bellamkonda Sai Sreenivas) आणि बॉलिवूड अभिनेत्री रकुल प्रीत सिंग (Rakul Preet Singh) यांचा एक चित्रपट थेट यूट्युबवर तब्बल 1 बिलियन (100 कोटी) व्ह्यूज मिळवणारा जगातील पहिला चित्रपट ठरला आहे.
विशेष म्हणजे, 9 वर्षांपूर्वी जेव्हा हा चित्रपट थिएटरमध्ये रिलीज झाला होता, तेव्हा तो बॉक्स ऑफिसवर वाईट रीतीने फ्लॉप ठरला होता. मात्र, आता यूट्युबवर (YouTube) या चित्रपटाने लोकप्रियतेचे सर्व जुने रेकॉर्ड मोडीत काढत नवा इतिहास रचला आहे.
Khoonkhar Hindi Dubbed : 'जया जानकी नायक' चे हिंदी व्हर्जन 'खूंखार' सुसाट
हा ऐतिहासिक विक्रम करणाऱ्या चित्रपटाचे नाव 'जया जानकी नायक' (Jaya Janaki Nayaka) असे आहे. हा मूळचा तेलगू भाषेतील रोमँटिक ॲक्शन-ड्रामा चित्रपट असून तो 2017 मध्ये रिलीज झाला होता. थिएटरमध्ये फ्लॉप झाल्यानंतर 'पेन मूव्हीज' (Pen Movies) या यूट्युब चॅनलने सुमारे 7 वर्षांपूर्वी (फेब्रुवारी 2019 मध्ये) या चित्रपटाचे हिंदी डब व्हर्जन 'खूंखार' (Khoonkhar) या नावाने युट्युबवर अपलोड केले होते.
उत्तर भारतातील आणि हिंदी भाषिक प्रेक्षकांनी या डब केलेल्या प्रवासाला डोक्यावर घेतले. चित्रपटातील दमदार ॲक्शन, कौटुंबिक ड्रामा आणि गाणी प्रेक्षकांच्या पसंतीस पडली, ज्यामुळे या एकाच व्हिडिओने तब्बल 1 बिलियन (1,000 दशलक्ष) पेक्षा जास्त व्ह्यूजचा टप्पा पार केला आहे. युट्युबच्या इतिहासात 1 बिलियनचा टप्पा पार करणारा 'गंगनम स्टाईल' (Gangnam Style) हा पहिला संगीत व्हिडीओ (Music Video) होता, तर संपूर्ण चित्रपटांच्या (Full Movies) श्रेणीत 'खूंखार' हा पहिलाच चित्रपट ठरला आहे.
Jaya Janaki Nayaka Box Office Collection : 40 कोटींचे बजेट, बॉक्स ऑफिसवर मोठा तोटा
प्रसिद्ध मीडिया रिपोर्टनुसार, दिग्दर्शक बोयापाटी श्रीनू (Boyapati Srinu) यांच्या दिग्दर्शनाखाली बनलेला हा चित्रपट 2017 मध्ये जवळपास 40 कोटी रुपयांच्या मोठ्या बजेटमध्ये तयार करण्यात आला होता. मात्र, थिएटरमध्ये रिलीज झाल्यानंतर समीक्षकांचे खराब रिव्ह्यूज आणि संथ प्रतिसादामुळे या चित्रपटाला जगभरातून अवघ्या 20 कोटी रुपयांचीच कमाई करता आली होती. वितरकांना यात कोट्यवधी रुपयांचा तोटा सहन करावा लागला होता. परंतु, डिजिटल विश्वाने आणि यूट्युबच्या प्रेक्षकांनी या फ्लॉप चित्रपटाला 'ब्लॉकबस्टर' बनवले आहे.
Director Boyapati Srinu Post : दिग्दर्शक आणि रकुल प्रीत सिंगने व्यक्त केला आनंद
चित्रपटाने हा ऐतिहासिक टप्पा गाठल्यानंतर दिग्दर्शक बोयापाटी श्रीनू यांनी सोशल मीडियावर एक खास पोस्ट शेअर करत आनंद व्यक्त केला. त्यांनी लिहिले की, "1 बिलियन व्ह्यूज... 100 कोटी भावना... हा अविश्वसनीय टप्पा गाठणारा जगातील पहिला चित्रपट! 'जया जानकी नायक' (खूंखार) चित्रपटाला सदैव लक्षात राहणारा उत्सव बनवल्याबद्दल धन्यवाद. हा विक्रम तुमचाच आहे."
View this post on Instagram
तसेच, चित्रपटातील मुख्य अभिनेत्री रकुल प्रीत सिंग हिनेही इन्स्टाग्रामवर स्टोरी शेअर करत चाहत्यांचे आभार मानले. तिने लिहिले की, "काही व्यक्तिरेखा तुमच्यासोबत आयुष्यभर राहतात, 'जानकी' त्यापैकीच एक आहे. यूट्युबवर सर्वाधिक पाहिला गेलेला भारतीय चित्रपट बनवल्याबद्दल तुम्हा सर्वांचे आभार, हा खरोखरच एक विशेष पराक्रम आहे."
Allu Arjun Sarrainodu Missed Record : अल्लू अर्जुनचा 'सराईनोडू'ने रेकॉर्ड चुकवला
या शर्यतीत साऊथचा सुपरस्टार अल्लू अर्जुनचा 'सराईनोडू' (Sarrainodu) हा चित्रपट देखील होता. हा चित्रपट 1 बिलियन व्ह्यूज मिळवणारा पहिला चित्रपट ठरू शकला असता. मात्र युट्युबवरील काही तांत्रिक कारणांमुळे आणि करोडो व्ह्यूज असलेला तो जुना हिंदी डब व्हिडीओ चॅनलवरून डिलीट करून पुन्हा अपलोड करण्यात आल्यामुळे बेलमकोंडाच्या 'खूंखार' चित्रपटाने बाजी मारली. सध्या या ऐतिहासिक कामगिरीमुळे साऊथ चित्रपटसृष्टीत आनंदाचे वातावरण आहे.
ही बातमी वाचा:
महत्त्वाच्या बातम्या
