Shehnaaz Gill : सिद्धार्थसोबत माझं काय नातं हे मी कोणाला का सांगू?, शिल्पा शेट्टीच्या चॅट शोमध्ये शहनाझने सोडलं मौन!

Shehnaaz Gill : मानसिक आरोग्य आणि शारीरिक तंदुरुस्तीवर आधारित शिल्पा शेट्टीच्या (Shilpa Shetty) 'शेप ऑफ यू' चॅट शोमध्ये शहनाज गिलने (Shehnaaz Gill) सहभाग घेतला होता.

Shilpa Shetty,Shehnaaz Gill

Shehnaaz Gill : 'बिग बॉस' फेम शहनाज गिलचे (Shehnaaz Gill) बॉडी ट्रान्सफॉर्मेशन सर्वांनाच आश्चर्यचकित करत आहे. गेल्या वर्षी अभिनेता सिद्धार्थ शुक्लाच्या निधनानंतर शहनाज बराच काळ या धक्क्यातून सावरली नव्हती. यादरम्यान तिने पंजाबी चित्रपट 'हौसला रख'चे शूटिंग आणि प्रमोशनही केले. अभिनेत्री सध्या डब्बू रत्नानीसाठी बरेच सिझलिंग फोटोशूट करत आहे. शहनाज आता तिच्या पूर्वीच्या आयुष्यात परतत आहे. परंतु, काही लोकांना ते अजिबात रुचलेले नाही. अनेक लोक तिला अजूनही ट्रोल करत आहेत. मात्र, आता यावर अभिनेत्रीने मौन सोडले आहे.

सिद्धार्थ शुक्लाच्या मृत्यूनंतर तीन महिन्यांनी शहनाज एका पार्टीत डान्स करताना दिसली होती. हा व्हिडीओ सोशल मीडियावर व्हायरल होताच लोकांनी तिच्यावर टीका करण्यास सुरुवात केली. शहनाजची खिल्ली उडवली जाऊ लागली, लोक विचारू लागले की, सिद्धार्थला इतक्या लवकर विसरलीस का?

शिल्पाच्या प्रश्नावर शहनाझचे उत्तर!

मानसिक आरोग्य आणि शारीरिक तंदुरुस्तीवर आधारित शिल्पा शेट्टीच्या (Shilpa Shetty) 'शेप ऑफ यू' चॅट शोमध्ये शहनाज गिलने या घटनेवर चर्चा केली. शहनाझ तू नेहमी आनंदी कशी राहतेस?, शिल्पाच्या या प्रश्नावर बोलताना शहनाजने उत्तर दिले की, मी नेहमी आनंदी राहावे अशी सिद्धार्थची इच्छा होती.

शहनाज म्हणाली, 'मला हसण्याची संधी मिळाली तर मी हसेन, आणि मला आनंद होईल. मला दिवाळी साजरी करायची असेल, तर मी दिवाळी साजरी करेन. कारण, निरोगी राहण्यासाठी आनंदी राहणे खूप गरजेचे आहे. मी स्वतःही ते करण्याचा प्रयत्न करते. या विषयावर मी पहिल्यांदाच बोलते आहे आणि ते ही तुम्ही मला विचारलं म्हणूनच... अन्यथा, कोणी काहीही म्हणो, मी या विषयांवर कधीही बोलणार नाही.'

सिद्धार्थसोबतचं नात काय होतं, हे मी कुणाला का सांगू?

सिद्धार्थसोबतच्या नात्याबद्दल बोलताना ती म्हणाली, 'सिद्धार्थसोबतच्या माझ्या नात्याबद्दल मी कुणाला का सांगू? माझे त्याच्याशी काय नाते होते, माझे त्याच्याशी काय संबंध होते, याचे उत्तर कोणालाही देण्याची मला गरज नाही. तो माझ्यासाठी किती महत्त्वाचा आहे, हे फक्त मला माहीत होतं. मी त्याच्यासाठी किती महत्त्वाचे होते? हे मला स्वतःला माहित आहे आणि ते इतर कोणाला समजावून सांगण्याची गरज मला वाटत नाही.’

हेही वाचा:

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha