Vicky Kaushal Propose Katrina : 'मुझसे शादी करोगी' सलमानसमोरच विकीनं केलं कतरिनाला प्रपोज ; मग पुढे जे झालं ते...

सध्या विकी आणि कतरिनाचा एक व्हिडीओ सोशल मीडियावर प्रचंड व्हायरल होत आहे. या व्हिडीओमधील अभिनेता सलमान खानच्या रिअॅक्शनने अनेकांचे लक्ष वेधले आहे. 

Katrina Kaif, Salman Khan

Vicky Kaushal Propose Katrina In Front Of Salman Khan : बॉलिवूड कलाकारांच्या वैयक्तिक आयुष्याबद्दल जाणून घेण्यासाठी त्यांचे चाहते नेहमी उत्सुक असतात. कधी कलाकारांच्या अफेअरच्या तर कधी ब्रेक-अपच्या चर्चा सोशल मीडियावर होत असतात.  अभिनेत्री कतरिना कैफ (Katrina Kaif) आणि अभिनेता विकी कौशलच्या (Vicky Kaushal) लग्नाची सध्या सोशल मीडियावर चर्चा सुरू आहे. एका रिपोर्टनुसार,  विकी आणि कतरिना डिसेंबरमध्ये लग्नगाठ बांधणार आहेत. सध्या विकी आणि कतरिनाचा एक व्हिडीओ सोशल मीडियावर प्रचंड व्हायरल होत आहे. या व्हिडीओमधील अभिनेता सलमान खानच्या रिअॅक्शनने अनेकांचे लक्ष वेधले आहे. 

विकीने केले होते कतरिनाला प्रपोज
2019 मध्ये झालेल्या एका पुरस्कार सोहळ्यातील विकी आणि कतरिनाचा व्हिडीओ सध्या व्हायरल होत आहे. या व्हिडीओमध्ये असे दिसत आहे की , विकी कतरिनाला म्हणतो, 'मी तुझा खूप मोठा फॅन आहे. मुझसे शादी करोगी?'. विकीचं हे वाक्य ऐकल्यानंतर कतरिना स्मित हास्य देते. पण सलमान मात्र हटके रिअॅक्शन देतो. सलमान बहिण अर्पिताच्या खांद्यावर डोकं ठेवून चक्कर आल्यासारखी अॅक्टिंग करतो. व्हिडीओला कमेंट करत अनेक नेटकऱ्यांनी, 'विकीने कतरिनाला प्रपोज केल्यानेच सलमानला चक्कर आली असणार' असं म्हणलं आहे. काही वर्षापूर्वी कतरिना आणि सलमान डेट करत असल्याची चर्चा सुरू होती. त्यानंतर कतरिनाचं नाव अभिनेता रणबीर कपूरसोबत जोडण्यात आले होते. 

डिसेंबरच्या दुसऱ्या आठवड्यात अडकणार विवाहबंधनात 
एका रिपोर्टनुसार,  विक्की कौशल आणि कतरिना कैफ डिसेंबर महिन्यात लग्नगाठ बांधणार आहेत. 7 ते 9 डिसेंबर दरम्यान त्यांचा शाही लग्नसोहळा पार पडणार आहे. हा  सोहळा 700 वर्ष जुन्या असलेल्या राजस्थानमधील एका किल्ल्यात पार पडणार आहे. विवाहासाठी सवाई माधवपूर येथील एक रिसॉर्ट बूक करण्यात आला आहे. या लग्नात कोण उपस्थित असणार याबद्दल मात्र अद्याप कोणतीही माहिती मिळाली नाही.