Upcoming South Movies : RRR ते KGF 2 पर्यंत 'हे' धमाकेदार साऊथ सिनेमे लवकरच प्रेक्षकांच्या भेटीस येणार

Upcoming South Movies Release Date : आज आम्ही तुम्हाला साऊथच्या अशाच काही चित्रपटांबद्दल सांगणार आहोत, ज्यांच्या रिलीजची प्रेक्षक आतुरतेने वाट पाहत आहेत.

Upcoming South Movies

Upcoming South Movies : नुकताच प्रदर्शित झालेला अभिनेता अल्लू अर्जुनचा (Allu Arjun) 'पुष्पा: द राइज' (Pushpa: The Rise) चित्रपट बॉक्स ऑफिसवर प्रचंड धूमाकूळ घालतोय. अॅक्शनने भरलेल्या या चित्रपटाने बॉक्स ऑफिसवर 300 कोटींहून अधिक कमाई केली आहे. आज आम्ही तुम्हाला साऊथच्या अशाच काही चित्रपटांबद्दल सांगणार आहोत, ज्यांच्या रिलीजची प्रेक्षक आतुरतेने वाट पाहत आहेत.

या यादीत पहिले नाव RRR या चित्रपटाचे आहे. अलीकडच्या काळात या चित्रपटाचे मुख्य कलाकार ज्युनिअर एनटीआर (Jr NTR) आणि राम चरण तेजा (Ram Charan Teja) या चित्रपटाचे प्रमोशन करताना दिसत होते. मात्र, कोरोनाच्या तिसऱ्या लाटेमुळे चित्रपटाचे प्रदर्शन तूर्तास पुढे ढकलण्यात आले आहे. रिपोट्सनुसार, हा चित्रपट मार्चच्या अखेरीस किंवा एप्रिलपर्यंत प्रदर्शित होऊ शकतो. 

या यादीत दुसरे नाव ‘वलीमाई’ (Valimai) या चित्रपटाचे आहे. हा अ‍ॅक्शनपॅक्ड चित्रपट मार्चच्या अखेरीस प्रदर्शित होण्याची शक्यता आहे. या क्रमातील पुढचा चित्रपट 'आचार्य' (Acharya) आहे. या चित्रपटात साऊथ सुपरस्टार चिरंजीवी आणि त्यांचा मुलगा राम चरण तेजा हे मुख्य भूमिकेत दिसणार आहेत. मिळालेल्या माहितीनुसार, हा चित्रपट फेब्रुवारीच्या अखेरीस प्रदर्शित होणार आहे. 

या यादीत सर्वाधिक चर्चेत असलेले नाव म्हणजे 'KGF 2' या चित्रपटाचे आहे. या चित्रपटात सुपरस्टार यश मुख्य भूमिकेत दिसणार आहे. कोरोनामुळे या चित्रपटाचे प्रदर्शनही अनेकदा पुढे ढकलण्यात आले आहे.
रिपोट्सनुसार, आता हा चित्रपट 14 एप्रिल रोजी प्रदर्शित होणार आहे. 

अभिनेता कमल हसनच्या ‘विक्रम’ (Vikram) या चित्रपटाबाबतही असे सांगण्यात येते की, हा चित्रपटही मार्चच्या शेवटच्या आठवड्यात प्रदर्शित होणार आहे.

संबंधित बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha