जमलं ! लोकप्रिय अभिनेत्रीची मालिकेतील हिरोसोबतचं जमली जोडी; राजकीय नेत्याशी जवळचा संबंध
Anushka Sarkate ENgagement: या दोघांनी 'कारभारी लयभारी' या झी मराठीच्या मालिकेत प्रमुख भूमिकेत झळकलेली ही जोडी आता खऱ्या आयुष्यातही जमलीय.
Anushka Sarkate Nikhil Chavhan Engagement: सध्या मराठी मनोरंजनसृष्टीत लग्नाचे वारे वाहताना दिसतायत. एकीकडे पडद्यावर अनेकजण लग्नबंधनात अडकत आहेत. तर अनेकांकडे खऱ्या आयुष्यात लग्नापुर्वीचे विधी सुरु आहेत. मालीकाविश्वातील अभिनेत्री ज्ञानदा रामतीर्थेकरकडे सध्या केळवणं सुरु आहेत. दरम्यान, स्टार प्रवाहवरील लोकप्रिय अभिनेत्री अनुष्का सरकटे (Anushka Sarkate) आणि अभिनेता निखील चव्हाण (NIkhil Chavhan) यांचा साखरपुडा झाल्याचं समोर आलंय. झी मराठीवरील 'कारभारी लयभारी' मालिकेत अनुष्का आणि निखील या दोघांनी एकत्र काम केलेलं. मालिकेत त्या दोघांची जोडी महाराष्ट्रभारत लोकप्रिय झाल्यानंतर आता खऱ्या आयुष्यात या दोघांची जोडी जमली आहे. अलीकडेच निखील आणि अनुष्काचे साखरपुड्याचे फोटो व्हिडिओ समोर आले आहेत. दोघांच्या साखरपुड्याच्या पोस्टवर अनेकांनी त्यांना शुभेच्छा दिल्या आहेत.
रियल कारभारी लयभारी!
अभिनेत्री अनुष्का सरकटे आणि अभिनेता निखील चव्हाण या दोघांनी 'कारभारी लयभारी' या झी मराठीच्या मालिकेत प्रमुख भूमिकेत झळकलेली ही जोडी आता खऱ्या आयुष्यातही जमलीय. त्यांच्या साखरपुड्याला अनेक जवळच्या कुतुबियांसह राजकीय नेत्यांनी हजेरी लावली. राजकीय नेते विनोद पाटील यांनी सोशल मिडियावर पोस्ट करत म्हटलं,"आमच्या भाची अनुष्का सरकटेचा साखरपुडा लोकप्रिय मराठी अभिनेता निखिल चव्हाणबरोबर आनंदात पार पडला. ते दोघे ‘करभारी लयभारी’ या झी मराठीवरील मालिकेत झळकले होते.”
समोर आलेल्या या व्हिडिओत साखरपुड्याच्या खास प्रसंगासाठी अनुष्काने लाल रंगाची साडी परिधान केली आहे. त्यासोबत लाल बांगड्या आणि गळ्यात आकर्षक डायमंड नेकलेस घालून तिने लूक पूर्ण केला आहे. दुसरीकडे, निखिलने निळ्या रंगाचा शर्ट आणि काळी पँट असा साधा पण स्टायलिश पोशाख निवडला आहे. या व्हिडिओमध्ये दोघेही कुटुंबीयांशी गप्पा मारताना आणि आनंदाचे क्षण मनमुरादपणे साजरे करताना दिसत आहेत.
View this post on Instagram
महत्त्वाच्या बातम्या
