Toxic Trailer Out: कमजोर मनाचे असाल तर जरा लांबच राहा! 'टॉक्सिक'चा ट्रेलर पाहून डोकं सुन्न होईल; रक्ताचा 4 मिनिटं 38 सेकंदांचा थरार!
मोस्ट अवेटेड गँगस्टर ड्रामा 'टॉक्सिक'चा धमाकेदार ट्रेलर अखेर समोर आला आहे.
Toxic Trailer Out: ज्या क्षणाची चाहते आतुरतेने वाट पाहत होते, तो अखेर आला आहे. सुपरस्टार यशच्या बहुप्रतिक्षित 'टॉक्सिक' सिनेमाचा जबरदस्त ट्रेलर रिलीज (Toxic Trailer out) झाला आहे. ट्रेलरमधील एकापेक्षा एक खतरनाक सीन्स पाहून काही क्षणांसाठी अक्षरशः अंगावर काटा येतो.
यशच्या 'टॉक्सिक'ची चाहते गेल्या अनेक दिवसांपासून आतुरतेने वाट पाहत होते. सिनेमाची रिलीज डेट वारंवार पुढे ढकलली गेल्यामुळे यशचे चाहते चांगलेच नाराज झाले होते. मात्र, आता त्यांची ही नाराजी आनंदात बदलणार आहे. कारण मोस्ट अवेटेड गँगस्टर ड्रामा 'टॉक्सिक'चा धमाकेदार ट्रेलर अखेर समोर आला आहे. ट्रेलरमधील प्रत्येक सीन इतका दमदार आहे की, जवळपास साडेचार मिनिटं तुम्ही स्क्रीनवरून नजर हटवू शकणार नाही.
4 मिनिटं 38 सेकंदांचा थरार
'टॉक्सिक'चा ट्रेलर तब्बल 4 मिनिटं 38 सेकंदांचा आहे. ट्रेलरची सुरुवात यश आणि त्याच्याजवळ बसलेल्या एका मुलापासून होते. मुसळधार पावसात तो मुलगा आपल्या वडिलांना, "मी तुमचं प्रत्येक म्हणणं ऐकेन, रागावू नका," असं सांगताना दिसतो.
पण यानंतर सुरू होतो तो रक्तरंजित खेळ!
कियारा अडवाणीच्या व्यक्तिरेखेचा पहिलाच डायलॉग लक्ष वेधून घेतो. "चेहऱ्यावर मुखवटा घालून तुम्ही तुमचं दुःख लपवू शकता, पण नशिबात लिहिलेला विनाश नाही," हा तिचा डायलॉग ट्रेलरची उत्सुकता आणखी वाढवतो.
यानंतर यशचा खतरनाक अवतार समोर येतो. बहिणीची इच्छा पूर्ण करण्यासाठी तो केवळ शहरावर आपली सत्ता गाजवत नाही, तर शत्रूंच्या रक्ताने अक्षरशः होळी खेळताना दिसतो. ट्रेलरमधील हिंसक आणि थरारक सीन्स पाहून डोकं काही काळ सुन्न होईल, एवढं नक्की!
प्रेम, सत्ता, धोका अन् बदल्याची गोष्ट
'टॉक्सिक'मध्ये केवळ ॲक्शनचा धडाका नाही, तर त्यासोबत भावनिक कथाही पाहायला मिळणार आहे. प्रेम, सत्तेची भूक, विश्वासघात आणि स्वतःमध्ये बदल घडवून आणण्याचा प्रवास या सगळ्याभोवती सिनेमाची कथा फिरताना दिसते.
हाय-ऑक्टेन ॲक्शन, जबरदस्त व्हिज्युअल्स, दमदार डायलॉग्स आणि अंगावर काटा आणणारे ॲक्शन सीन्स यामुळे 'टॉक्सिक' 2026 मधील मोठ्या ॲक्शन सिनेमांपैकी एक ठरू शकतो. एवढंच नाही तर 'धुरंधर 2'सारख्या मोठ्या सिनेमांसमोरही हा सिनेमा मोठं आव्हान उभं करू शकतो.
यशचा लूक पाहून चाहतेही थक्क
'टॉक्सिक'च्या ट्रेलरमधील सर्वात मोठं सरप्राइज म्हणजे अर्थातच यश. गँगस्टरच्या भूमिकेत तो जबरदस्त दिसतोयच, पण सिनेमातील दुसऱ्या भूमिकेसाठी त्याने केलेलं ट्रान्सफॉर्मेशनही विशेष लक्ष वेधून घेत आहे.
याशिवाय हुमा कुरेशी, कियारा अडवाणी, नयनतारा आणि तारा सुतारिया यांनीही आपल्या भूमिका दमदारपणे साकारल्याचं ट्रेलरवरून दिसतंय.
'टॉक्सिक' कधी रिलीज होणार?
अवॉर्ड-विनिंग फिल्ममेकर गीथू मोहनदास यांनी 'टॉक्सिक'चं दिग्दर्शन केलं आहे. हा सिनेमा 26 ऑगस्ट 2026 रोजी जगभरातील चित्रपटगृहांमध्ये रिलीज होणार आहे. हिंदीसोबतच तमिळ, तेलुगू, कन्नड आणि मल्याळम भाषेतही हा सिनेमा प्रदर्शित केला जाणार आहे.
विशेष म्हणजे श्रद्धा कपूरच्या 'ईठा' सिनेमाच्या दोन दिवस आधी 'टॉक्सिक' थिएटरमध्ये दाखल होणार आहे. त्यामुळे 'टॉक्सिक'ची सध्याचा क्रेझ पाहता बॉक्स ऑफिसवर 'ईठा'समोर हा सिनेमा मोठं आव्हान उभं करू शकतो, अशी चर्चा सुरू झाली आहे.
महत्त्वाच्या बातम्या
