Jar Tarchi Goshta: प्रिया- उमेशच्या 'जर तर ची गोष्ट' नाटकाची होणार हाफ सेंच्युरी; 'या' ठिकाणी पार पडणार 50 वा प्रयोग
Jar Tarchi Goshta: प्रिया आणि उमेश यांच्या 'जर तरची गोष्ट' या नाटकाचा सुवर्णमहोत्सवी प्रयोग म्हणजेच 50 वा प्रयोग लवकरच पार पडणार आहे. हा प्रयोग कधी आणि कुठे पार पडणार आहे? याबाबत जाणून घेऊयात....
Jar Tarchi Goshta: अभिनेत्री प्रिया बापट (Priya Bapat) आणि अभिनेता उमेश कामत (Umesh Kamat) यांच्या 'जर तरची गोष्ट' (Jar Tarchi Goshta) या नाटकाचं अनेकजण कौतुक करत आहेत. या नाटकाला प्रेक्षकांचा चांगला प्रतिसाद देखील मिळत आहे. देशातच नाही तर परदेशात देखील प्रिया आणि उमेश यांनी या नाटकाचे प्रयोग केले आहेत. आता लवकरच या नाटकाची हाफ सेंच्युरी होणार आहे. प्रिया आणि उमेश यांच्या 'जर तरची गोष्ट' या नाटकाचा सुवर्णमहोत्सवी प्रयोग म्हणजेच 50 वा प्रयोग लवकरच पार पडणार आहे. हा प्रयोग कधी आणि कुठे पार पडणार आहे? याबाबत जाणून घेऊयात....
कधी पार पडणार 50 वा प्रयोग?
‘जर तर ची गोष्ट’ या नाटकाचा 50 वा प्रयोग रविवारी (19 नोव्हेंबर ) दादरमधील श्री शिवाजी मंदिर येथे पार पडणार आहे. हा प्रयोग दुपारी 3.30 वाजता पार पडणार आहे.
प्राजक्ता कोळी देखील केलं कौतुक
सोशल मीडिया स्टार आणि युट्यूबर प्राजक्ता कोळीनं देखील ‘जर तर ची गोष्ट’ या नाटकाचे कौतुक केलं आहे. नाटक पाहिल्यानंतर ती म्हणाली, 'मी बऱ्याच वर्षांनंतर आज गडकरी रंगायतन येथे नाटक बघायला आले. मी खूप आनंदी आहे. कारण मी प्रियाचं नाटक पाहिलं आहे. या नाटकाबद्दल मी बरंच ऐकलं होतं. मी नाटक पाहिलं आणि मला खूप मज्जा आली, मी प्रिया आणि उमेशची फॅन होते. त्यांना लाईव्ह बघायला खूप मज्जा येते.'
View this post on Instagram
‘जर तर ची गोष्ट’ या नाटकाची टीम
अद्वैत दादरकर (Adwait Dadarkar), रणजित पाटील (Ranjit Patil) यांनी ‘जर तर ची गोष्ट’ या नाटकाचे दिग्दर्शन केलं आहे. प्रिया बापट आणि उमेश कामत यांच्यासोबतच पल्लवी अजय (Pallavi Ajay), आशुतोष गोखले (Aashutosh Gokhale) यांनी देखील या नाटकामध्ये काम केलं आहे.
परदेशातही झाले प्रयोग
‘जर तर ची गोष्ट’ या नाटकाचे प्रयोग केवळ पुण्यात आणि मुंबईत नाही तर परदेशात देखील पार पडले. सिडनी, मेलबर्न येथे देखील ‘जर तर ची गोष्ट’ या नाटकाचे प्रयोग पार पडले आहेत.
संबंधित बातम्या:
महत्त्वाच्या बातम्या
ट्रेंडिंग न्यूज
and tablets
