Reelstar Prem Bhati Accident Death: धक्कादायक! ठाण्यात प्रसिद्ध रीलस्टारचा मृत्यू; रस्त्यावरील खडीमुळे जागीच जीव गेल्याचा आरोप; चाहते हळहळले

त्याने त्याच्या मनोरंजक आणि विनोदी रील्समुळे सोशल मीडियावर मोठा चाहतावर्ग निर्माण केला होता.  

Reelstar Death

Source : ABPLIVE AI

Kalyan Reelstar Accident Death: कल्याणमधून एक धक्कादायक बातमी समोर येत आहे. रस्त्यावरील खड्ड्यांमुळे  सुप्रसिद्ध रीलस्टार प्रेम भाटीचा (Prem Bhati) मृत्यू झालाय. 13 जून रोजी पहाटे तीन वाजताच्या सुमारास घरी जात असताना मोहनी परिसरात हा अपघात घडला. रस्त्यावर पडलेल्या खड्ड्यांमुळे दुचाकीवरून त्याचे नियंत्रण सुटले. डोक्याला जबर मार लागल्याने त्याला तातडीने रुग्णालयात नेण्यात आले. मात्र, डॉक्टरांनी त्याचा मृत्यू झाल्याचं सांगितल्यामुळे एकच खळबळ उडाली. रीलस्टार प्रेम भाटीच्या अचानक निधनाने चाहत्यांना मोठा धक्का बसलाय. त्याने त्याच्या मनोरंजक आणि विनोदी रील्समुळे सोशल मीडियावर मोठा चाहतावर्ग निर्माण केला होता.  

नेमका कसा झालं अपघात?

स्थानिक रहिवाशांच्या म्हणण्यानुसार हा अपघात मोहणे येथील शिवसेना शाखेजवळ झाला. या भागात रस्त्याचे काम सुरू होते. रस्त्यावर विखुरलेल्या खडीमुळे व इतर बांधकाम साहित्यामुळे प्रेमचे वाहनावरील नियंत्रण सुटले, असावे असा प्राथमिक अंदाज आहे. रिक्षा युनियनचे अध्यक्ष शिवाजी पाटील यांनी या अपघाताबाबत तीव्र संताप व्यक्त केला आहे.  रस्त्यावर पडलेल्या खडीमुळे हा अपघात झाल्याचा आरोप करत त्यांनी कंत्राटदार आणि अधिकाऱ्यांवर कठोर कारवाई करण्याची मागणी त्यांनी केली. रस्त दुरुस्ती आणि देखभालीतील हलगर्जीपणामुळे निष्पाप नागरिकांचा जीव जात असल्याचा त्यांनी म्हटलं.प्रेम भाटीचे वडिल कमल यांचे हेअर स्टाईलचे दुकान आहे. त्याच्या मृत्यूमुळे त्याच्या कुटुंबियांवर शोककळा पसरली आहे. 

 

 

 

 

 

Instagram पर यह पोस्ट देखें

 

 

 

 

 

 

 

 

 

 

 

Khushi Solanki (@khushi_prem_bhati) द्वारा साझा की गई पोस्ट

कोण आहे रीलस्टार प्रेम भाटी?

सोशल मीडियावर रीलस्टार प्रेम भाटी प्रचंड लोकप्रिय होता. कॉमेडी हॉरर अशा प्रकारचे रील तो शेअर करायचा.त्याचे instagram वर 83,000 फॉलोवर्स तर youtube वर तीन मिलियन सबस्क्राईबर्स आहेत.  प्रेमभाटी याचा अकाली निधनामुळे चाहत्यांना मोठा धक्का बसलाय. त्याच्या मृत्यूने सर्वत्र हळहळ व्यक्त केली जात आहे.