Varsha Usgaonkar : 'Well Played वंडरवुमन...', ग्रँड फिनालेच्या दारात येऊन वर्षा उसगांवकरांचं ट्रॉफीचं स्वप्न भंगलं
Varsha Usgaonkar : वर्षा उसगांवकर यांचा आता बिग बॉसच्या घरातला प्रवास संपला आहे. त्यामुळे त्यांच्या ट्रॉफीचं स्वप्न आता भंगलंय.
Bigg Boss Marathi Season 5 : बिग बॉस मराठीच्या (Bigg Boss Marathi New Season) पाचव्या सीझनचे टॉप 6 स्पर्धक आता ठरले आहेत. निक्की तांबोळी (Nikki Tamboli), अभिजीत सावंत (Abhijeet Sawant), धनंजय पोवार (Dhananjay Powar), सूरज चव्हाण (Suraj Chavan), जान्हवी किल्लेकर (Jahnavi Killekar) आणि अंकिता वालावलकर (Ankita Walavalkar) हे स्पर्धक बिग बॉसचे फायनलिस्ट ठरले आहेत. पण यामध्ये घरातील एका स्पर्धकाचा प्रवास अगदी ग्रँड फिनालेच्या उंबरठ्यावर येऊन संपला आहे.
वर्षा उसगांवकर यांनी आता घराचा निरोप घेतला असून अगदी काही पावलांवर त्यांचा प्रवास थांबला. बिग बॉस मराठीच्या पाचव्या सीझनच्या घरात येणाऱ्या वर्षा उसगांवकर या पहिल्या सदस्या होत्या. त्यामुळे वंडरवुमन म्हणून पसंतीस उतरलेल्या वर्षाताई या बिग बॉसच्या घरातही वंडरफुल परफॉर्मन्स देताना पाहायला मिळाल्या. पण आता त्यांचं ट्रॉफीचंही स्वप्न भंगलं आहे.
बिग बॉसच्या घरात हाऊस पार्टीचे आयोजन
बिग बॉसच्या घरात आज स्पर्धकांसाठी हाऊस पार्टीचे आयोजन करण्यात आले होते. यामध्ये मराठी वाजलंच पाहिजे ही टॅगलाईन घेऊन प्रसिद्ध झालेल्या डीजे क्रेटेक्सने हजेरी लावली. त्याच्या डीजेच्या तालावर घरातील स्पर्धकांनी ठेका धरला होता.
क्रेटेक्सने घरातील प्रत्येक स्पर्धकासाठी विशेष गाणं वाजवलं. त्यावर घरातील प्रत्येक स्पर्धकाने ठेका धरला आणि त्यानंतर घरातील टॉप 6 स्पर्धक फायनलिस्ट ठरले. त्यामुळे आता यापैकी कोणत्या स्पर्धकांचं बिग बॉसची ट्रॉफी मिळवण्याचं स्वप्न पूर्ण होणार याची उत्सुकता लागून राहिली आहे.
View this post on Instagram
ही बातमी वाचा :
Bigg Boss Marathi Season 5 : निक्की, अभिजीत, धनंजय, जान्हवी, सूरज आणि अंकिता ...., बिग बॉस मराठीच्या पाचव्या सीझनचे फानलिस्ट
महत्त्वाच्या बातम्या
ट्रेंडिंग न्यूज
