Tuzech Mi Geet Gaat Aahe: 'तुझेच मी गीत गात आहे’ मालिकेचा आषाढी एकादशी विशेष भाग; मल्हारला दिसणार मंजुळाचा चेहरा
'तुझेच मी गीत गात आहे’ (Tuzech Mi Geet Gaat Aahe) या मालिकेच्या आषाढी एकादशी विशेष एपिसोडमध्ये दिसणार आहे की, मल्हारला मंजुळाचा चेहरा दिसणार आहे.
Tuzech Mi Geet Gaat Aahe: तुझेच मी गीत गात आहे (Tuzech Mi Geet Gaat Aahe) या छोट्या पडद्यावरील मालिकेमधील विविध ट्वीस्ट येत असतात. लवकरच या मालिकेमध्ये एक मोठा ट्वीटस्ट येणार आहे. या मालिकेचा आषाढी एकादशी विशेष भाग प्रेक्षकांच्या भेटीस येणार आहे. 'तुझेच मी गीत गात आहे’ या मालिकेच्या आषाढी एकादशी विशेष एपिसोडमध्ये दिसणार आहे की, मल्हारला मंजुळाचा चेहरा दिसणार आहे. नुकताच 'तुझेच मी गीत गात आहे’ या मालिकेचा एक प्रोमो सोशल मीडियावर शेअर करण्यात आला आहे. या प्रोमोमध्ये दिसत आहे की, मल्हार आणि मंजुळा हे समोरा-समोर येतात.
'तुझेच मी गीत गात आहे’ या मालिकेच्या प्रोमोमध्ये दिसत आहे की, स्वराज ऊर्फ स्वरा ही देवाकडे प्रार्थना करताना म्हणते, 'पांडुरंगा आज माझ्या आई-बाबांना समोरासमोर आण.'
त्यानंतर मल्हार आणि मोनिका ही देवाची पूजा करत असतात. तितक्यात मोनिकाला कोणाचा तरी फोन येतो. त्यामुळे ती निघून जाते. मोनिकाच्या जागी मंजुळा उभी राहते. मल्हार हा मोनिकाच्या ऐवजी मंजुळाला कुंकू लावतो. त्यानंतर मंजुळाला पाहिल्यावर मल्हार, 'वैदेही' असं म्हणतो.
मंजुळा ही वैदेही सारखी दिसते. वैदेही ही स्वराची आई आणि मल्हारची पहिली पत्नी होती. तिचं निधन झालेलं असतं. त्यामुळे मंजुळा ही वैदेही आहे, असं स्वराजला वाटत आहे. मंजुळाला पाहिल्यावर मल्हार कशी रिअॅक्शन देणार, स्वराज हा स्वरा आहे, हे मल्हारला कळणार की नाही? या सर्व प्रश्नांची उत्तरं 'तुझेच मी गीत गात आहे’ या मालिकेच्या आगामी एपिसोडमध्ये प्रेक्षकांना मिळणार आहेत.
View this post on Instagram
तुझेच मी गीत गात आहे या मालिकेत मल्हार कामत ही भूमिका अभिनेता अभिजीत खांडकेकर हा साकारतो. तर स्वरा उर्फ स्वराज ही भूमिका अवनी तायवाडे ही साकारते. उर्मिला कानेटकर ही या मालिकेमध्ये मंजुळा ही भूमिका साकारते.'तुझेच मी गीत गात आहे’ या मालिकेच्या आगामी एपिसोडची प्रेक्षक उत्सुकतेने वाट बघत आहेत.
इतर महत्वाच्या बातम्या:
महत्त्वाच्या बातम्या
ट्रेंडिंग न्यूज
