Tuzech Mi Geet Gaat Aahe: मंजुळा आणि मल्हार येतील का समोरासमोर? 'तुझेच मी गीत गात आहे’ मालिकेचा प्रोमो व्हायरल
तुझेच मी गीत गात आहे (Tuzech Mi Geet Gaat Aahe) मालिकेचा एक प्रोमो सोशल मीडियावर व्हायरल झाला आहे. या प्रोमोमध्ये स्वराज, मल्हार आणि मंजुळा हे दिसत आहेत.
Tuzech Mi Geet Gaat Aahe: छोट्या पडद्यावरील तुझेच मी गीत गात आहे (Tuzech Mi Geet Gaat Aahe) मालिकेत एक भावनिक वळण आलं आहे. मल्हार आणि मंजुळा लवकरच समोरासमोर येतील, असा अंदाज लावला जात आहे. सध्या तुझेच मी गीत गात आहे मालिकेचा एक प्रोमो सोशल मीडियावर व्हायरल झाला आहे. या प्रोमोमध्ये स्वराज, मल्हार आणि मंजुळा हे दिसत आहेत.
'तुझेच मी गीत गात आहे’ मालिकेच्या प्रोमोमध्ये दिसत आहे की, मल्हार आणि मंजुळा हे दोघे एका झाडाला दोरा बांधत आहेत. यावेळी मल्हार म्हणतो, 'स्वराजचा आवाज परत यावा यासाठी हा नवसाचा दोरा बांधत आहे.' तर मंजुळा म्हणते, 'ते पोरगं सापडू दे रे देवा' तर एकीकडे स्वराज हा त्याचे आई-बाबा पुन्हा एकत्र यावेत यासाठी प्रार्थना करत आहे.
प्रोमोमध्ये दिसतं की झाडाला दोरा बांधून झाल्यानंतर मंजुळा आणि मल्हार हे झाडा फेऱ्या मारतात. पण दोघेही एकमेकांना बघत नाहीत. त्यामुळे आता मल्हार आणि मंजुळा एकत्र येणार का? आई-बाबा एकत्र यावेत, ही स्वराजची इच्छा पूर्ण होणार का? हे पाहण्यासाठी प्रेक्षक उत्सुक आहेत.
View this post on Instagram
सध्या 'तुझेच मी गीत गात आहे’ मालिकेतील स्वराजला बोलता येत नाहीये. त्यामुळे मल्हारला त्याच्याबद्दल चिंता वाटत आहे. 'तुझेच मी गीत गात आहे’ या मालिकेच्या मागील एपिसोडमध्ये मल्हार हा स्वरा उर्फ स्वराजला एक माउथ ऑर्गन देताना दिसत आहे. माउथ ऑर्गन देताना मल्हार स्वराजला म्हणतो, ' स्वराज, हा माउथ ऑर्गन तुझा आवाज बनेल '
मल्हार कामत ही भूमिका अभिनेता अभिजीत खांडकेकर हा साकारतो तर स्वरा उर्फ स्वराज ही भूमिका अवनी तायवाडे ही साकारते. तसेच या मालिकेमध्ये मोनिका मल्हार कामत ही भूमिका प्रिया मराठे ही साकारते आणि स्वराची आई म्हणजेच वैदेही मल्हार कामत ही भूमिका अभिनेत्री ऊर्मिला कानेटकर ही साकारते. मंजुळा हे भूमिका देखील ऊर्मिला साकारते. या मालिकेच्या आगामी एपिसोडची प्रेक्षक उत्सुकतेने वाट बघत असतात.
वाचा इतर महत्वाच्या बातम्या:
महत्त्वाच्या बातम्या
