Tuzech Mi Geet Gaat Aahe: स्वराला झाला तिच्या आईला पाहिल्याचा भास; 'तुझेच मी गीत गात आहे' मालिकेच्या प्रोमोनं वेधलं लक्ष
तुझेच मी गीत गात आहे (Tuzech Mi Geet Gaat Aahe) मालिकेच्या या प्रोमोमध्ये स्वराला तिच्या आईचा भास झाला आहे, असं दिसत आहे.
Tuzech Mi Geet Gaat Aahe: छोट्या पडद्यावरील तुझेच मी गीत गात आहे (Tuzech Mi Geet Gaat Aahe) मालिकेत एक भावनिक वळण आलं आहे. मल्हार आणि स्वरा यांच्या आयुष्यात लवकरच मंजुळाची एन्ट्री होणार आहे, असं म्हटलं जात आहे. स्वराची आई वैदेहीचं काही महिन्यांपूर्वी निधन झालं. आता मालिकेच्या प्रोमोमध्ये स्वराला तिच्या आईचा भास झाला आहे, असं दिसत आहे.
प्रोमोमध्ये दिसत आहे की, स्वरा ही मल्हारच्या जवळ झोपलेली आहे. स्वराची आई ही तिला हाक मारत आहे, असा भास स्वराला झोपेतच होतो. स्वराची आई ही दार उघडून खोलीमध्ये येते, स्वराला हाक मारते आणि स्वराच्या जवळ येऊन तिच्या डोक्यावरुन मायेचा हात फिरवते, असा भास स्वराला होतो. अशातच स्वरा ही डोळे उघडते आणि आई-आई, असं म्हणू लागते. हे ऐकून मल्हार झोपेतून उठतो. तो स्वराज म्हणजेच स्वराला 'काय झालं? तुला स्वप्न पडलं का?' असा प्रश्न विचारतो. 'मी तुला सोडून कुठेही जाणार नाही', असं मल्हार स्वराला म्हणतो.
पाहा प्रोमो:
View this post on Instagram
तुझेच मी गीत गात आहे मालिकेची स्टार कास्ट
मल्हार कामत ही भूमिका अभिनेता अभिजीत खांडकेकर हा साकारतो तर स्वरा उर्फ स्वराज ही भूमिका अवनी तायवाडे ही साकारते. तसेच या मालिकेमध्ये मोनिका मल्हार कामत ही भूमिका प्रिया मराठे ही साकारते आणि स्वराची आई म्हणजेच वैदेही मल्हार कामत ही भूमिका अभिनेत्री ऊर्मिला कानेटकर ही साकारते. या मालिकेच्या आगामी एपिसोडची प्रेक्षक उत्सुकतेने वाट बघत असतात.
उर्मिला कोठारेने तब्बल 12 वर्षांनंतर या मालिकेच्या माध्यमातून छोट्या पडद्यावर कमबॅक केलं होतं. उर्मिलाने साकारलेली वैदेहीची भूमिका प्रेक्षकांच्या पसंतीस उतरली होती. उर्मिलाने छोट्या पडद्यावर कमबॅक केल्याने तिचे चाहतेदेखील खुश होते. पण वैदेहीचा मालिकेत मृत्यू झाल्यानं उर्मिला मालिकेत दिसणार नसल्याने तिचे चाहते नाराज झाले होते. आता ती पुन्हा या मालिकेत एन्ट्री करणार आहे, असं म्हटलं जात आहे.
वाचा इतर महत्वाच्या बातम्या:
महत्त्वाच्या बातम्या
