Tujhech Mi Geet Gaat Aahe: मल्हारने मंजुळाला दिलं गिफ्ट; 'तुझेच मी गीत गात आहे’ येणार मोठा ट्वीस्ट?

‘तुझेच मी गीत गात आहे’  (Tujhech Mi Geet Gaat Aahe) या मालिकेचा एक प्रोमो सोशल मीडियावर व्हायरल झाला आहे.

Tujhech Mi Geet Gaat Aahe

Tujhech Mi Geet Gaat Aahe :   ‘तुझेच मी गीत गात आहे’ (Tujhech Mi Geet Gaat Aahe) या मालिकेनं प्रेक्षकांची मनं जिंकली आहे. या मालिकेमध्ये काही दिवसांपूर्वी मंजुळाची एन्ट्री झाल्यानं या मालिकेत रंजक वळण आलं आहे. नुकताच   ‘तुझेच मी गीत गात आहे’   या मालिकेचा एक प्रोमो सोशल मीडियावर व्हायरल झाला आहे. या प्रोमोमध्ये दिसत आहे की, मल्हार हा मंजुळाला एक गिफ्ट देत आहे.

‘तुझेच मी गीत गात आहे’   या मालिकेच्या प्रोमोमध्ये दिसत आहे की,  मंजुळा ही मल्हारला भेटायला येते. तेव्हा मल्हार म्हणतो, 'मला तुमच्यासोबत बोलायचं होतं.' यावर मंजुळा म्हणते, 'हो, झेंडूनं मला निरोप दिला. तुम्हाला काहीतरी बोलायचं होतं असं सांगितलं त्यानं' 

त्यानंतर मल्हार मंजुळाला एक भेटवस्तू देतो. भेटवस्तू देताना मल्हार म्हणतो, 'हे तुम्हाला द्यायचं होतं. या जुन्या रेकॉर्ड्स आहेत. जपून ठेवल्या होत्या. तुम्हाला आवडतील म्हणून तुमच्यासाठी हे गिफ्ट.तुम्हाला थँक्यु आणि सॉरी म्हणायचं होतं,म्हणून मी हे गिफ्ट देतोय. तुम्ही पिहूला सांभाळता म्हणून थँक्यु म्हणायचं होतं आणि त्या दिवशी मंदिरामध्ये चुकून माझ्या हातून तुमच्या कपाळावर कुंकू लागलं, त्याबद्दल सॉरी म्हणायचं होतं.'

 

 

 

 

 

View this post on Instagram

 

 

 

 

 

 

 

 

 

 

 

A post shared by Star Pravah (@star_pravah)

आता ‘तुझेच मी गीत गात आहे’  या मालिकेचा हा प्रोमो पाहून असा अंदाज लावला जाऊ शकतो की, लवकरच या मालिकेमध्ये मोठा ट्वीस्ट येणार आहे. मंजुळा ही मल्हारच्या प्रेमात पडणार का? मंजुळाला वैदेहीबाबात कळणार का? या प्रश्नांची उत्तरं लवकरच प्रेक्षकांना मिळणार आहेत.

तुझेच मी गीत गात आहे  (Tujhech Mi Geet Gaat Aahe)  या मालिकेत मल्हार कामत ही भूमिका अभिनेता अभिजीत खांडकेकर हा साकारतो. तर स्वरा उर्फ स्वराज ही भूमिका अवनी तायवाडे ही साकारते. या मालिकेतील वैदेही मल्हार कामत ही भूमिका अभिनेत्री उर्मिला  कानेटकरनं साकरली होती.आता उर्मिला  ही या मालिकेत मंजुळा ही भूमिका साकारत आहे.

वाचा इतर महत्वाच्या बातम्या: