Tujhech Mi Geet Gaat Aahe : ‘तुझेच मी गीत गात आहे’ चे 300 भाग पूर्ण; मालिकेच्या टीमनं केलं खास सेलिब्रेशन
'तुझेच मी गीत गात आहे' (Tujhech Mi Geet Gaat Aahe) या मालिकेचे 300 भाग पूर्ण झाले आहेत. यानिमित्तानं या मालिकेच्या टीमनं सेलिब्रेशन केलं आहे.
Tujhech Mi Geet Gaat Aahe : छोट्या पडद्यावरील 'तुझेच मी गीत गात आहे' (Tujhech Mi Geet Gaat Aahe) या मालिकेला प्रेक्षकांची पसंती मिळाली आहे. या मालिकेच्या कथानकाला आणि कलाकारांच्या अभिनयानं प्रेक्षकांची मनं जिंकली आहेत. आता या मालिकेचे 300 भाग पूर्ण झाले आहेत. यानिमित्तानं या मालिकेच्या टीमनं सेलिब्रेशन केलं आहे.
'तुझेच मी गीत गात आहे' (Tujhech Mi Geet Gaat Aahe) या मालिकेत मंजुळा ही भूमिका साकारणारी अभिनेत्री उर्मिला कोठारेनं नुकताच एक व्हिडीओ शेअर केला आहे. या व्हिडीओमध्ये दिसत आहे की ती म्हणते, 'आज आमच्या 'तुझेच मी गीत गात आहे' या मालिकेचे 300 भाग पूर्ण झाले आहेत. त्यामुळे सेटवर मोठं सेलिब्रेशन करण्यात येत आहे.आमरस पुरीचा बेत आहे.' या व्हिडीओला ऊर्मिलानं कॅप्शन दिलं, आज सादर होत आहे ‘तुझेच मी गीत गात आहे’ मालिकेचा ३०० वा भाग. या निमित्ताने मालिकेच्या सेटवर आज आमरस पुरीचा छान बेत करत मालिकेच्या टिमने सेलिब्रेशन केलं.
पाहा व्हिडीओ:
View this post on Instagram
उर्मिला कोठारेने तब्बल 12 वर्षांनंतर 'तुझेच मी गीत गात आहे' या मालिकेच्या माध्यमातून छोट्या पडद्यावर कमबॅक केलं आहे. उर्मिलाने 'तुझेच मी गीत गात आहे' या मालिकेत साकारलेली वैदेहीची भूमिका प्रेक्षकांच्या पसंतीस उतरली होती. वैदेहीचा मालिकेत मृत्यू होतो. त्यानंतर या मालिकेत वैदेही सारख्या दिसणाऱ्या मंजुळाची एन्ट्री होते. मंजुळी ही भूमिका देखील उर्मिलाच साकारत आहे.
'तुझेच मी गीत गात आहे’ या मालिकेत मल्हार कामत ही भूमिका अभिनेता अभिजीत खांडकेकर हा साकारतो तर स्वरा उर्फ स्वराज ही भूमिका अवनी तायवाडे ही साकारते. तसेच या मालिकेमध्ये मोनिका मल्हार कामत ही भूमिका प्रिया मराठे ही साकारते. तुझेच मी गीत गात आहे या मालिकेच्या आगामी एपिसोडची प्रेक्षक उत्सुकतेने वाट बघत असतात. या मालिकेच्या कथानकाला आणि मालिकेतील कलाकारांच्या अभिनयाला प्रेक्षकांची पसंती मिळाली आहे.
इतर महत्वाच्या बातम्या:
Tujhech Mi Geet Gaat Aahe : मोनिकाने मागितली मंजुळाची माफी; 'तुझेच मी गीत गात आहे’ चा प्रोमो व्हायरल
महत्त्वाच्या बातम्या
