Taarak Mehta Ka Ooltah Chashmah : 'तारक मेहता का उल्टा चष्मा' मधील सोढी बेपत्ता; मालिकेची टीम म्हणते...

Taarak Mehta Ka Ooltah Chashmah Sodhi Missing : 'तारक मेहता का उल्टा चष्मा'मध्ये सोढीची भूमिका साकारणारा अभिनेता गुरुचरण सिंह (Gurucharan Singh) चार दिवसांपासून बेपत्ता आहे आणि त्याच्याबाबत कोणतीही माहिती मिळालेली नाही.

Taarak Mehta Ka Ooltah Chashmah Sodhi Missing

Taarak Mehta Ka Ooltah Chashmah Sodhi Missing : 'तारक मेहता का उल्टा चष्मा'मध्ये (Taarak Mehta Ka Ooltah Chashmah) सोढीची भूमिका साकारणारा अभिनेता गुरुचरण सिंह (Gurucharan Singh) चार दिवसांपासून बेपत्ता आहे आणि त्याच्याबाबत कोणतीही माहिती मिळालेली नाही. गुरुचरणच्या कुटुंबियांप्रमाणे 'तारक मेहता का उल्टा चष्मा'मधील त्याच्या सहकलाकारांनादेखील मोठा धक्का बसला आहे. मालिकेत त्याच्या पत्नीची भूमिका साकारणारी जेनिफर मिस्त्री म्हणाली, 'गेल्या वर्षी जूनमध्ये मी त्याला भेटले होते आणि तेव्हापासून आम्ही बोललो नाही. तो एक आनंदी-नशीबवान व्यक्ती आहे. पण या बातमीने सर्वांनाच धक्का बसला आहे. त्याचे वडील दिल्लीत राहतात, ते दिल्ली ते मुंबई दरम्यान प्रवास करायचे". मालिकेतील इतर कलाकारांनीदेखील आपलं मत व्यक्त केलं आहे. 

शैलेश लोढा काय म्हणाला?

अभिनेता शैलेश लोढा म्हणाला, 'गुरुचरणने 2020 मध्ये तारक मेहता सोडले. तेव्हापासून आम्ही संपर्कात नाही, पण मला आठवते की तो सेटवर खूप मजेशीर वातावरण निर्माण करायचा. तो असा कसा गायब होईल? मला हे समजत नाही! मला आशा आहे की तो लवकरच सापडेल". अभिनेत्री प्रिया आहुजा म्हणाली, 'माझा विश्वास बसत नाही... धक्कादायक आहे! मला आशा आहे की तो बरा आहे आणि लवकरच घरी परतेल". 

गुरुचरणच्या वडिलांनी तक्रार दाखल केली

गुरुचरण सिंहच्या वडिलांनी 25 एप्रिल रोजी दिल्ली पोलिसांत तक्रार दाखल केली. त्यात लिहिले होते की, 'माझा मुलगा गुरुचरण सिंह वय 50 वर्षे 22 एप्रिल रोजी सकाळी 8.30 वाजता मुंबईहून निघाला. तो विमान पकडण्यासाठी विमानतळावर गेला. तो ना मुंबईला पोहोचला ना घरी परतला आणि त्याचा फोनही लागत नाही. तो मानसिकदृष्ट्या स्थिर असून आम्ही त्याचा शोध घेत होतो, पण आता तो बेपत्ता आहे.

शेवटची पोस्ट वडिलांसाठी...

गुरुचरण 'तारक मेहता...' मध्ये रोशन सिंह सोधी म्हणून प्रसिद्ध झाला. त्याने 2013 मध्ये मालिका सोडली आणि एक वर्षानंतर परतला. 2020 मध्ये हा अभिनेता पुन्हा मालिकेमधून बाहेर पडला. तो इंस्टाग्रामवर खूप सक्रिय होता आणि त्याची शेवटची पोस्ट 22 एप्रिल रोजी त्याच्या वडिलांना वाढदिवसाच्या शुभेच्छा देणारी होती. पोस्टमध्ये लिहिले होते, 'बाबा, वाढदिवसाच्या खूप खूप शुभेच्छा.

गुरुचरण आजारी नव्हता, असे त्याचे मित्र सांगतात. ETimes ने गुरुचरण यांचे मित्र आणि मुंबईस्थित व्यापारी राजू बनचन यांच्याशी बोलले, त्यांनी सांगितले, 'आम्ही एकमेकांना 2008 पासून ओळखतो. तो दिल्लीला परतल्यानंतर आम्ही संपर्कात नव्हतो. पण दोन महिन्यांपूर्वी आम्ही बोललो आणि तो बरा वाटला आणि म्हणाला की तो लवकरच मुंबईला यायचा विचार करत आहे. मी एक अहवाल वाचला ज्यात तो आजारी असल्याचे सांगितले होते...मला वाटत नाही की ते खरे आहे.