Jethalal In Shark Tank India 2 : शार्क टँकमध्ये पोहोचला 'जेठालाल'; हा व्हायरल व्हिडीओ पाहून तुम्हीही खळखळून हसाल
आता 'शार्क टँक इंडिया-2' (Shark Tank India-2) या कार्यक्रमाचा एक व्हिडीओ सोशल मीडियावर व्हायरल झाला आहे. या व्हिडीओला नेटकऱ्यांची पसंती मिळत आहे.
Jethalal In Shark Tank India 2 : छोट्या पडद्यावरील 'शार्क टँक इंडिया-2' (Shark Tank India-2) या कार्यक्रमाला प्रेक्षकांची पसंती मिळत आहेत. या कार्यक्रमाच्या पहिल्या सीझनप्रमाणेच दुसऱ्या सीझनला देखील प्रेक्षकांची पसंती मिळत आहे. आता या कार्यक्रमाचा एक व्हिडीओ सोशल मीडियावर व्हायरल झाला आहे. या व्हिडीओमध्ये दिसत आहे की, शार्क टँक इंडिया या शोमध्ये तारक मेहता का उल्टा चष्मा (Taarak Mehta Ka Ooltah Chashmah) या कार्यक्रमातील जेठालाल जातो.
एका मिम एडिटरने हा शार्क टँक इंडियाचा व्हिडीओ एडिट करुन सोशल मीडियावर शेअर केला आहे. या व्हिडीओमध्ये जेठालाल त्याच्या गडा इलेक्ट्रॉनिक्स या दुकानाची माहिती देताना दिसत आहे. तर जेठालालचा हटके अंदाज पाहून शार्क टँकचे परीक्षक खळखळून हसत आहेत.
शार्क टँकच्या या व्हायरल व्हिडीओला नेटकऱ्यांची पसंती मिळाली आहे. या व्हिडीओवर शार्क टँकचे परीक्षक अमन गुप्ताने देखील कमेंट केली आहे. 'हाहाहा, मला हे खूप आवडलं.' जवळपास 8 मिलियनपेक्षा जास्त नेटकऱ्यांनी हा व्हिडीओ पाहिला आहे.
पाहा व्हिडीओ:
View this post on Instagram
'शार्क टँक इंडिया' शो नेमका काय आहे?
'शार्क टँक इंडिया' या शोमध्ये स्वत:चा व्यवसाय असणारे लोक त्यांच्या वेगवेगळ्या बिझनेस आयडिया घेऊन येतात. त्यामधील काही कल्पना या अतरंगी देखील असतात. या शोमधील परीक्षक हे शोमध्ये येणाऱ्या व्यक्तींसोबत संवाद साधून त्यांच्या आयडिया जाणून घेण्याचा प्रयत्न करतात. जर त्या व्यक्तीची कल्पना परीक्षकांना आवडली तर ते त्या व्यक्तीच्या व्यावसायासाठी मदत करतात, असा हा कार्यक्रम आहे.
वाचा इतर महत्वाच्या बातम्या:
'शार्क टँक इंडिया 2'मधून रिकाम्या हातांनी परतले, पण त्यानंतर...; एका रात्रीत सावरला बुडणारा व्यवसाय
महत्त्वाच्या बातम्या
