(Source: ECI/ABP News/ABP Majha)
Suraj Chavan : 'झुंड में भेड़िये आते हैं, शेर तो अकेला आता हैं'; सूरज चव्हाणच्या खेळावर रितेश भाऊही खूश, भरभरुन केलं कौतुक
Bigg Boss Marathi Season 5 : सूरज चव्हाणच्या खेळावर रितेश देशमुखही खूश झाला असून त्याने भाऊच्या धक्क्यावर त्याचं भरभरुन कौतुक केलं आहे.
Bigg Boss Marathi Season 5 Bhaucha Dhakka : बिग बॉसच्या (Bigg Boss Marathi new Season) घरातील एका स्पर्धकाने हा आठवडा गाजवून टाकला. सूरज चव्हाणच्या (Suraj Chavan) खेळावर प्रेक्षक, कलाकार, बिग बॉसचे माजी स्पर्धक हे सगळेजण खूश असल्याचं पाहायला मिळतंय. त्यातच आता रितेश भाऊ (Ritiesh Deshmukh) देखील त्याच्या खेळावर चांगलेच खूश झाले आहेत. भाऊच्या धक्क्यावर रितेशने सूरजच्या खेळाचंही भरभरुन कौतुक केलं.
कॅप्टन्सीच्या टास्कमध्ये सूरज अरबाज आणि टीमला एकटा नडला. त्याच्या या खेळाचं घरातल्यांनीही कौतुक केलं. त्याचप्रमाणे आता भाऊच्या धक्क्यावरही त्याचं कौतुक करण्यात आलं आहे. कॅप्टन्सीच्या टास्कमध्ये सूरजचा चांगलाचा रुद्रावतार पाहायला मिळाला होता.
रितेशनेही थोपटली सूरजची पाठ
रितेशने भाऊच्या धक्क्यावर सूरजचं कौतुक करत म्हटलं की, या आठवड्यात एका हिरोने जन्म घेतलाय. ज्याने त्या संधीचं सोनं केलंय. त्याचं नाव आहे सूरज चव्हाण. तुम्ही एकट्याने त्या सगळ्यांना टफ फाईट दिली आहे. झुंड में भेड़िये आते हैं, शेर अकेला आता है.
कॅप्टन्सीच्या या टास्कवेळी गॅलरीत असलेल्या वैभवला सूरज म्हणतो की, मी त्याला मारलं नाही. त्यावर वैभव चव्हाण हा सूरजला तू असे हातपाय करू नकोस असे म्हणतो. वैभवच्या बोलण्यावर चिडलेला सूरज माझं मी बघेन असे सांगतो. तर, पुढे सूरज आणि अरबाजचा वाद होतो. त्यावेळी सूरज हा थेट अरबाजला भिडला. रजच्या या अँग्री अवताराने जान्हवी आणि निक्की देखील घाबरल्या.
रितेश घेणार वैभवचा क्लास
या घरात गद्दार कोण आहे, असा प्रश्न रितेश अरबाजला विचारतो. त्यावर अरबाज त्याला वैभव असं उत्तर देतो. त्यानंतर रितेश वैभवला म्हणतो की, तुम्ही जर असं म्हणाला असता की, 'मला तुम्ही तुमच्या टीममधला समजू नका, हे बोलायला ना जिगर लागते. हे बाजारात प्रोटीनच्या डब्ब्यात नाही मिळत. आम्ही आतमध्ये वैभव पाठवला आहे, गद्दार म्हणून बाहेर येऊ नका.'
View this post on Instagram
ही बातमी वाचा :
महत्त्वाच्या बातम्या
ट्रेंडिंग न्यूज
