Premachi Goshta Latest Episode Highlights : सागर आणि मुक्ताच्या प्रेमाचा होणार बेरंग; आदित्यला पुढे करून सावनीचा कुटील डाव

Premachi Goshta Latest Episode Highlights : 'प्रेमाची गोष्ट' मालिकेत सागर आणि मुक्तामध्ये प्रेमाचा रंग खुलण्याआधीच बेरंग होणार आहे. आदित्यच्या खांद्यावरून सागरवर सावनी निशाणा साधला आहे.

Premachi Goshta Latest Episode Highlights

Premachi Goshta Latest Episode Highlights : 'प्रेमाची गोष्ट'  (Premachi Goshta) मालिकेत  सागर आणि मुक्तामध्ये प्रेमाचा रंग खुलण्याआधीच बेरंग होणार आहे. आदित्यच्या खांद्यावरून सागरवर सावनीने निशाणा साधला आहे. आता होळीच्या दिवशी सागरच्या प्रेमाची आणि आदित्यसोबतच्या नात्याची होळी होणार आहे.

सगळ्यांसमोर सागर देणार प्रेमाची कबुली

धुळवड साजरी करत असताना मुक्ताकडून चुकून सागरला रंग लावला जातो. धुळवड साजरी न करणारा सागर मुक्ताला रोमँटिकपणे रंग लावतो. त्यानंतर हातात माईक घेऊन सागर सगळ्यांसमोर मुक्ताचे कौतुक करत असतो. मुक्तामुळे मला खरे प्रेम मिळाले असल्याचे सागर सगळ्यांसमोर सांगतो. सागर मुक्ताला सगळ्यांसमोर प्रपोज करतो. धुळवडीच्या दिवशी प्रेमाची कबुली दिल्याने सगळे आनंदी असतात. सागरने प्रेम व्यक्त केल्याने मुक्ता भारावून जाते. तिला सागरसोबतची पहिली भेट, त्यानंतर सुरू झालेला प्रवास आठवतो.

मुक्ताच्या कौतुकाने सावनी आणि आदित्यची चिडचिड

सागरकडून मुक्ताचे होणारे कौतुक पाहून सावनी आणि आदित्य चिडतो. मुक्तामुळे आपली आई दुखावली असल्याची गोष्ट आदित्यच्या मनात असते. त्यातच सावनीदेखील मुक्ताबद्दल त्याच्या मनात द्वेष भरत असते.  त्याच्या परिणामी तो मुक्तावर चिडत असतो. चिडलेला आदित्य पाहून सावनी त्याच्या मनात आणखी द्वेष भरते. सागर तुझ्यासोबत चुकीचे वागत असल्याचे सावनी सांगते. सावनीचे बोलणं ऐकून आदित्यला राग अनावर होतो.

आदित्य सागरला उलटसुलट बोलणार

चिडलेला आदित्य हा सागरवर आपला कोणताही संबंध नसल्याचे म्हणतो. माझ्यासाठी आणि आईला कोणताही त्रास नाही. माझ्याबद्दल तुमच्या मनात काहीच नाही हे मान्य करा असे टोकाचे आदित्य बोलतो. सावनी हे सगळं पाहत असते.  सागर आदित्यची समजूत काढण्याचे प्रयत्न करतो. माझे तुझ्यावर प्रेम आहे, सगळं संपून जाईल पण प्रेम नाही संपणार असे सागर आदित्यला म्हणतो आणि त्याने सही करण्यासाठी दिलेले कागदपत्रे त्याच्या हाती सोपवतो. 

सावनीने टाकलेल्या जाळ्यात सागर अडकणार का, आदित्यने दिलेल्या कागदपत्रांवर केलेल्या सहीने सागर अडचणीत येणार का, आदित्य आणि सागरच्या नात्यात आणखी वितुष्ट येणार का, या सगळ्या प्रश्नांची उत्तरे मालिकेच्या एपिसोडमध्ये दिसणार आहेत.