Bigg Boss Marathi : एकच नंबर! निक्कीला भिड तू, आता खरी जान्हवी समोर येतेय; जान्हवीला बिग बॉस प्रेमींचा फुल्ल सपोर्ट
Bigg Boss Marathi New Season : आज बिग बॉसच्या घरात निक्की आणि जान्हवीमध्ये फुल ऑन राडा पाहायला मिळणार आहे.
Bigg Boss Marathi Season 5 : बिग बॉस मराठीच्या घरात नुकताच पार पडलेल्या कॅप्टनसी टास्कने सर्वांनाच मोठी भांडणं पाहायला मिळाली. कॅप्टनसी टास्कदरम्यान आर्याने निक्कीच्या कानशिलात लगावली. निक्कीवर हात उचलून आर्याने बिग बॉसच्या घरातील मुलभूत नियम मोडलाय. यामुळे बिग बॉस तिला काय शिक्षा देणार याकडे प्रेक्षकांचं आता लक्ष लागलं आहे.
एकीकडे आर्या आणि निक्कीचा राडा तर, दुसरीकडे निक्की आणि जान्हवीची हमरी-तुमरी, असं बिग बॉसच्या घरातील वातावरण पाहायला मिळत आहे. निक्कीच्या सांगण्यावरुन स्वत:ला जान्हवीचे मित्र म्हणवणाऱ्या अरबाज आणि वैभवने तिला कॅप्टन्सीच्या दावेदारीतून बाहेर केलं. यानंतर जान्हवी अरबाज, वैभवसह निक्कीवरही भडकल्याचं दिसत आहे. आज बिग बॉसच्या घरात निक्की आणि जान्हवीमध्ये फुल ऑन राडा पाहायला मिळणार आहे. जान्हवी पॅडी आणि अंकिताला सांगतेय की, "मला निक्कीचा गर्व उतरवायचा आहे."
बिग बॉलच्या नवीन प्रोमोमध्ये जान्हवी बोलतेय, "दम असेल तर मला बाहेर काढून दाखव, चॅलेंज आहे". यावर "निक्की म्हणते कॅप्टन्सीवरून काढलंय ना म्हणून लय राग आलाय तिला." पुढे जान्हवी म्हणते, "तुला कोण ओळखत नव्हती मराठी जनता म्हणून आलीय इकडे मराठी शोमध्ये. सगळ्यांना घाण झाली आहेस तू या घरामध्ये. चल फड फड फड फड, चल. असं म्हणत निक्की आणि आर्या एकमेकींना चॅलेंज देताना दिसत आहेत.
जान्हवी निक्कीच्या विरोधात स्टँड घेताना दिसत असल्यामुळे बिग बॉस प्रेमी आता जान्हवीला सपोर्ट करताना दिसत आहे. जेलमधून बाहेर आल्यानंतर जान्हवीचा बदललेला स्वभाव प्रेक्षकांच्या पसंतीस उतरताना दिसत आहे. निक्कीशी जान्हवीला भिडताना पाहून नेटकरी खूश असल्याचं दिसत आहे.
View this post on Instagram
एका नेटकऱ्याने कमेंटमध्ये म्हटलंय, आता कुठे खेळतेय जान्हवी. दुसऱ्याने लिहिलंय, आमचा फुल्ल सपोर्ट जान्हवी तुला असणार तू फक्त A टीमला नड. आणखी एकाने लिहिलंय, जान्हवी खूप छान. आता तू खरा गेम सुरु केलाययस, मराठी मुलीसारखा. एकाने लिहिलंय, बाईई, हाच तो प्रकार, ज्याची वाट अख्खा महाराष्ट्र पाहात होता. एक नंबर जान्हवी आता खरी समोर येतेय तू, असं म्हणत नेटकरी जान्हवीला पाठिंबा देताना दिसत आहेत.
महत्त्वाच्या इतर बातम्या :
Bigg Boss Marathi : आर्या अभिनंदन तमाम महाराष्ट्राची इच्छा पूर्ण केलीस, आर्याला शिक्षा करायचीय, तर अरबाजलाही करा; बिग बॉसप्रेमींची मागणी
महत्त्वाच्या बातम्या
