Maharashtrachi Hasyajatra: 'महाराष्ट्राची हास्यजत्रा' कार्यक्रमाची टीम पोहोचली अमेरिकेला; समीर चौघुलेनं शेअर केला खास व्हिडीओ, म्हणाला, 'समाधान आणि आनंद'
महाराष्ट्राची हास्यजत्रा (Maharashtrachi Hasyajatra) या कार्यक्रमाच्या अमेरिकेतील लाईव्ह शोला प्रेक्षकांचा उत्तम प्रतिसाद मिळत आहे.
Maharashtrachi Hasyajatra: 'महाराष्ट्राची हास्यजत्रा' (Maharashtrachi Hasyajatra) या छोट्या पडद्यावरील कार्यक्रमामला प्रेक्षकांची पसंती मिळते. या कार्यक्रमातील कलाकार प्रेक्षकांना खळखळून हसवतात. प्रेक्षक या कार्यक्रमाच्या आगामी एपिसोडची वाट उत्सुकतेने बघतात. सध्या महाराष्ट्राची हास्यजत्रा या कार्यक्रमामधील कलाकार हे अमेरिकेच्या दौऱ्यावर आहेत. अमेरिकेत जाऊन हे कलाकार तिथल्या प्रेक्षकांचे मनोरंजन करत आहेत. नुकताच अभिनेता समीर चौघुले आणि गौरव मोरे यांनी एक खास व्हिडीओ सोशल मीडियावर शेअर केला आहे. या व्हिडीओमध्ये दिसत आहे की, महाराष्ट्राची हास्यजत्रा या कार्यक्रमाच्या अमेरिकेतील लाईव्ह शोला प्रेक्षकांचा उत्तम प्रतिसाद मिळत आहे.
समीरनं शेअर केला व्हिडीओ
समीरनं अमेरिकेतील MHJ live या शोचा एक व्हिडीओ सोशल मीडियावर शेअर केला.या व्हिडीओमध्ये प्रेक्षक हे स्टँडिंग ओव्हेशन देताना दिसत आहेत. समीरनं या व्हिडीओला कॅप्शन दिलं, 'अमेरिकेत महाराष्ट्राची हास्यजत्रा MHJ live चा हास्यधमाका...रसिकांची अलोट हाऊसफुल गर्दी आणि प्रचंड प्रेम ....टँपा, अटलांटामधील रसिकांच्या तुडूंब आशिर्वादानंतर आज बोस्टन ला.....खूप खूप समाधान आणि आनंद'
View this post on Instagram
गौरव मोरेची पोस्ट
अमेरिकेतील कार्यक्रमाचा व्हिडीओ शेअर करुन गौरवनं कॅप्शनमध्ये लिहिलं, 'हम लोग अमेरिका में मचारेले भाई ख़तरनाक प्रेम आहे, प्रेक्षकांचं खुप खुप आभार, अमेरिका'
View this post on Instagram
महाराष्ट्राची हास्यजत्रा या कार्यक्रमातील अभिनेत्री वनिता खरातनं देखील अमेरिकेच्या शोनंतर खास पोस्ट शेअर केली. तिनं या पोस्टला कॅप्शन दिलं, 'ह्या प्रेमाचं काय करायचं. आमच्यावर भरभरून प्रेम करताय त्याबद्दल खरंच खूप खूप धन्यवाद. अमेरिकेतल्या प्रेक्षकांचं खूप प्रेम मिळतंय.'
'महाराष्ट्राची हास्यजत्रा' कार्यक्रमाची टीम
'महाराष्ट्राची हास्यजत्रा' (Maharashtrachi Hasyajatra) या कार्यक्रमातील समीर चौघुले , विशाखा सुभेदार, नम्रता संभेराव, दत्तू मोरे, गौरव मोरे, प्रसाद खांडेकर आणि वनिता खरात या कलाकारांच्या अभिनयाला प्रेक्षकांची पसंती मिळते. या शोचे सूत्रसंचालन अभिनेत्री प्राजक्ता माळी करते.
महत्त्वाच्या इतर बातम्या :
महत्त्वाच्या बातम्या
