Kon Honar Crorepati : तीन जिवलग मित्रांचा कट्टा जमणार; महेश मांजरेकर आणि शिवाजी साटम यांच्याबरोबर रंगणार 'कोण होणार करोडपती'चा विशेष भाग

Kon Honar Crorepati : महेश मांजरेकर आणि शिवाजी साटम यांच्याबरोबर 'कोण होणार करोडपती'चा विशेष भाग रंगणार आहे.

Kon Honar Crorepati

Kon Honar Crorepati : 'कोण होणार करोडपती'चं नवं पर्व (Kon Honar Crorepati) नुकतचं प्रेक्षकांच्या भेटीला आलं आहे. ‘कोण होणार करोडपती’मध्ये शनिवारच्या ‘विशेष भागात' अभिनेते आणि दिग्दर्शक महेश मांजरेकर (Mahesh Manjrekar) आणि अभिनेते शिवाजी साटम (Shivaji Satam) हॉट सीटवर बसणार आहेत. 

कॅन्सर पेशंट्स अॅन्ड असोसिएशन (CPAA) या संस्थेसाठी महेश मांजरेकर आणि शिवाजी साटम 'कोण होणार करोडपती'चा खेळ खेळणार आहेत. या पर्वातील हा विशेष भाग असणार आहे. या भागात महेश मांजरेकर आणि शिवाजी साटम यांच्याशी गप्पा रंगणार आहेत. या जुन्या मित्रांसोबत रंगणाऱ्या गप्पा आणि किस्से पाहणे हे प्रेक्षकांसाठी खास असणार आहे.

 

 

 

 

 

View this post on Instagram

 

 

 

 

 

 

 

 

 

 

 

A post shared by Sony मराठी (@sonymarathi)

महेश मांजरेकर, शिवाजी साटम आणि सचिन खेडेकर यांच्या मैत्रीचे अनोखे बंध उलगडणार

'कोण होणार करोडपती'च्या मंचावर तीन जुने मित्र एकत्र येणार आहेत. ते पाहणे नक्कीच गमतीदार असेल. पहिल्यांदा झालेली भेट ते आत्तापर्यंत एकत्र केलेली सगळी कामे यांबद्दलचे किस्से  प्रेक्षकांना पाहायला मिळतील. महेश मांजरेकर, शिवाजी साटम आणि सचिन खेडेकर यांच्या मैत्रीचे अनोखे बंध आपल्याला या विशेष भागातून पाहायला मिळणार आहेत.

शिवाजी साटम यांनी आपले पहिले नाटक 'संगीत वरदान' या वेळचा किस्सा सांगत पहिल्यांदा ते प्रेक्षकांना कसे सामोरे गेले याची आठवण सांगितली. त्या वेळी महेश मांजरेकर यांनी  'कूछ तो गडबड है' असे म्हणत शिवाजी साटम यांची फिरकी घ्यायचा प्रयत्न केला. 

महेश मांजरेकर यांनी आपल्या पहिल्यावाहिल्या ऑडिशनची आठवण या वेळी सांगितली.  मैत्री विशेष अशा या भागात सचिन खेडेकर, महेश मांजरेकर आणि शिवाजी साटम यांच्या आजवरच्या मैत्रीचे किस्से पाहायला मिळणार आहेत. विशेष म्हणजे या दिग्गज कलाकारांना एकाच वेळी एकाच मंचावर पाहणे ही प्रेक्षकांसाठी पर्वणी ठरणार आहे.

महेश मांजरेकर, शिवाजी साटम आणि सचिन खेडेकर यांच्या मैत्रीचे अनोखे बंध 'कोण होणार करोडपती'च्या विशेष भागात पाहायला मिळणार आहे. 'कोण होणार करोडपती'चा विशेष भाग 17  जून शनिवार रात्री 9 वाजता रंगणार आहे. 

संबंधित बातम्या