Jhalak Dikhhla Jaa 10 : 'झलक दिखला जा 10'मधून मराठमोळी अमृता खानविलकर बाहेर; म्हणाली,"हा प्रवास..."
Jhalak Dikhhla Jaa : 'झलक दिखला जा 10' या लोकप्रिय कार्यक्रमातून अमृता खानविलकर बाहेर पडली आहे.
Jhalak Dikhhla Jaa 10 : 'झलक दिखला जा 10' (Jhalak Dikhhla Jaa 10) हा छोट्या पडद्यावरचा लोकप्रिय कार्यक्रम आहे. नुकताच या मालिकेत प्रेक्षकांना एक ट्विस्ट पाहायला मिळाला आहे. आता या कार्यक्रमातून मराठमोळी अमृता खानविलकर (Amruta Khanvilkar) आणि छोट्या पडद्यावरचा अभिनेता पारस कलनावत (Paras Kalnawat) बाहेर पडले आहेत.
अमृता खानविलकर आणि पारस कलनावत हे दोघेही 'झलक दिखला जा 10'चे तगडे स्पर्धक होते. पण कमी वोट्स मिळाल्याने ते या कार्यक्रमातून बाहेर पडले आहेत. करण जौहरने अमृताचं नाव जाहीर करताच ती खूप भावूक झाली होती.
'झलक दिखला जा 10'च्या मंचावर अमृता म्हणाली,"झलक दिखला जा 10' या कार्यक्रमातून मी बाद होईल असं मला कधीच वाटलं नव्हतं. झलकचा प्रवास माझ्यासाठी खूप खास होता. माधुरी मॅडमकडून 101 रुपये मिळणे हा माझा आयुष्यातील एक सर्वोत्तम क्षण होता". अमृताच्या या वाक्यानंतर माधुरीने अमृताला एक घट्ट मिठी मारली.
View this post on Instagram
'झलक दिखला जा 10'मध्ये अमृता सहभागी झाल्याने तिच्या चाहत्यांना आनंद झाला होता. याआधीदेखील अमृता 'खतरों के खिलाडी 10' या रिअॅलिटी शोमध्ये सहभागी झाली होती. या कार्यक्रमात अमृता स्टंटबाजी करताना दिसून आली होती. अमृता अभिनेत्री असण्यासोबत एक उत्तम नृत्यांगणादेखील आहे. गेल्या काही दिवसांपूर्वी अमृता 'चंद्रमुखी' सिनेमा प्रेक्षकांच्या भेटीला आला होता. या सिनेमातील अमृताचे 'चंद्रा' हे गाणं प्रचंड गाजलं होतं.
'झलक दिखला जा' हा लोकप्रिय कार्यक्रम पाच वर्षांनी प्रेक्षकांच्या भेटीला आला आहे. 'झलक दिखला जा'च्या दहाव्या पर्वात अनेक लोकप्रिय सेलिब्रिटी सहभागी झाले आहेत. 'झलक दिखला जा 10'च्या परिक्षणाची धुरा सिने-निर्माता करण जोहर (Karan Johar), अभिनेत्री माधुरी दीक्षित (Madhuri Dixit) आणि अभिनेत्री नोरा फतेही (Nora Fatehi) सांभाळत आहेत.
संबंधित बातम्या
Amruta Khanvilkar : 'वाजले की बारा' गाण्यावर अमृता खानविलकरसह नोराचा मराठमोळा ठुमका; व्हिडीओ पाहाच
महत्त्वाच्या बातम्या
