Bigg Boss Marathi Suraj Chavan : आयुष्यात टोकाचा निर्णय घेण्याआधी सूरज चव्हाणला आठवा; व्हिडीओ क्लिप होतेय व्हायरल...
Bigg Boss Marathi Suraj Chavan : जेव्हा कधी टोकाचा निर्णय घेण्याचा विचार कराल तेव्हा सूरज चव्हाणला आठवा असे आवाहन करणारी व्हिडीओ क्लिप सोशल मीडियावर व्हायरल होत आहे.
Bigg Boss Marathi Suraj Chavan : 'बिग बॉस मराठी'च्या यंदाच्या सीझनमध्ये (Bigg Boss Marathi Season 5) रील स्टार सूरज चव्हाणने (Suraj Chavan) छाप सोडली आहे. गुलिगत धोका म्हणून सोशल मीडियावर धुमाकूळ घालणाऱ्या सूरजची एन्ट्री झाल्यानंतर अनेकांनी तीव्र नापसंती व्यक्त केली होती. त्यानंतर सूरजने घरातील वावर आणि आपल्या स्ट्रगलबद्दल इतर सदस्यांना सांगितल्यावर प्रेक्षकांमध्ये त्याच्याबद्दल सकारात्मक वातावरण निर्माण झाले आहे.अनेकजण सूरजला पाठिंबा देत आहे. तर, दुसरीकडे एका कीर्तनकारांनीदेखील सूरजचे कौतुक केले आहे. जेव्हा कधी टोकाचा निर्णय घेण्याचा विचार कराल तेव्हा सूरज चव्हाणला आठवा असे आवाहन त्यांनी केले. सध्या याची व्हिडीओ क्लिप सोशल मीडियावर व्हायरल होत आहे.
सूरजच्या स्वभावावर आणि त्याने आयुष्यात केलेल्या संघर्षाला प्रेक्षकांनी दाद दिली आहे. अनेकांनी सूरज चव्हाणसाठी आपण बिग बॉस मराठीचा हा सीझन पाहत असल्याचे म्हटले आहे. छोट्याशा खेडेगावातून आलेल्या सूरजने ग्लॅमरस जगात आपले स्थान मिळवले आहे. बिग बॉस मराठीमधील माजी स्पर्धकांसह इतर कलाकारांनीदेखील त्याला पाठिंबा दिला आहे.
सूरजचे कौतुक करणारी व्हिडीओ क्लिप व्हायरल...
वारकरी सांप्रदायातून सूरजला पाठींबा मिळत असून त्याच्या खेळाचे कौतुक होत आहे. कीतर्नकार प्रा. निलेश महाराज कोरडे यांच्या कीर्तनातील एक व्हिडीओ क्लिप व्हायरल होत आहे. यामध्ये ते सूरजचे कौतुक करताना दिसत आहेत. उपस्थितांना मार्गदर्शन करताना ते म्हणतात की, ‘बिग बॉस’ चांगलं की वाईट हा प्रश्न बाजूला ठेवा. पण इथे बसलेल्या सर्वांना एक वाक्य सांगतो आयुष्यात कधीही आत्महत्येचा विचार मनात आला तर त्या गोलीगत सूरज चव्हाणकडे पाहा आणि कोरोना काळात स्वत:ला संपल्याची जाणीव ज्याला झाली होती तो डीपीदादा म्हणजेच धनंजय पोवार आठवून पाहा. वडील गेले तेव्हा सूरज गोट्या खेळत होता. तेव्हा लोकांनी त्याला येऊन सांगितलं की, तुझे वडील गेले. त्यानंतर त्याने गोट्या तशाच खिशात घातल्या आणि बापाचं शेवटचं तोंड पाहिलं. बिचाऱ्याला तेव्हा काही कळतही नव्हतं. त्यानंतर आईच्या उपचाराला पैसे मिळाले नाहीत. त्याने सगळ्यांकडे पैसे मागितले. पण तेव्हा कोणी पैसे दिले नाही. तेव्हा खोकून खोकून आई गेली पण तो काही करू शकला नाही, असे त्यांनी म्हटले.
View this post on Instagram
कीतर्नकार प्रा. निलेश महाराज कोरडे यांनी पुढे सांगितले की, “फक्त गणपती बसवायचा म्हणून सूरज तीन दिवस कामाला गेला आणि काबाडकष्ट केले. गणपतीपुरते पैसे जमा केले. पण वेड्याबरोबर काय राहायचं म्हणून गावातल्यांपैकी कुणी गणपती बसवायला आलं नाही. पण त्याने एकट्याने गणपती बसवला आणि त्याच गणपती बाप्पाचा आशीर्वाद पाहा. तिसऱ्या आठवड्यात तो पहिल्या क्रमांकावर आहे. त्यामुळे जेव्हा जेव्हा जीवन संपल्याची जाणीव होईल तेव्हा एकदा ‘बिग बॉस’ हा सीझन आठवून पाहा.
सूरजचे कौतुक करणारी ही व्हिडीओ क्लिप सोशल मीडियावर तुफान व्हायरल होत आहे. नेटकऱ्यांनी सूरजच्या स्ट्रगलचे कौतुक केले असून त्यांच्याकडून प्रेरणा घेण्यासारखं असल्याचे सांगण्यात आले आहे.
महत्त्वाच्या बातम्या
