Marathi Serial : सरकारने थापल्या तब्बल 30 भाकऱ्या, 'लय आवडतेस तू मला’ मालिकेत फुलणार नवं प्रेम
Marathi Serial : लय आवडेतस तू मला मालिकेत सरकारने तब्बल 30 भाकऱ्या थापल्यात.
Marathi Serial : 'कलर्स मराठी' (Colors Marathi) वरील '#लय आवडतेस तू मला' या मालिकेतील सरकार बॉडीगार्ड (राजा) म्हणून साहेबरावांच्या घरी गेला आहे. बॉडीगार्ड म्हणून तो त्याची उत्तमप्रकारे ड्युटी करताना दिसून येत आहे. बॉडीगार्ड असण्यासोबत तो आता सानिकाचा ट्रेनरदेखील आहे. ज्या स्पर्धेसाठी सानिका रनर म्हणून तयारी करतेय त्या स्पर्धेचा ट्रेनर म्हणून सरकारची नेमणूक झाली आहे. त्यामुळे सध्या तो दुहेरी भूमिका बजावत आहे. साहेबरावांच्या घरचं मीठदेखील खाणार नाही, अशी शपथ घेतल्या सरकारने शूटिंगदरम्यानच तब्बल 30 भाकऱ्या बनवल्या आहेत.
सरकारची भूमिका साकारणारा तन्मय म्हणाला,"#लय आवडतेस तू मला' या मालिकेत सध्या अनेक इन्टरेस्टिंग सीन करायला मिळत आहेत. मालिकेत नुकतचं एका सीनदरम्यान माझं कुकिंग कौशल्य वापरायला मिळालं. मालिकेत मी साहेबरावांच्या घरचं मीठदेखील खाणार नाही अशी शपथ घेतली आहे. त्यामुळे मी त्यांच्या घरातलं कुठलचं खाद्य किंवा बनवलेलं जेवण जेवत नाही. त्यामुळे मला जसं जमतं तसं मी चुलीवर त्यांच्यात तिथल्या बाहेरच्या जागेत चुलीवर जेवण बनवतोय असा एक सीक्वेन्स होता. त्या सीक्वेन्ससाठी मला पिठलं भाकरी आणि ठेचा असं सगळं करायचं होतं. त्यावेळी मी तब्बल 30 भाकऱ्या थापल्या आणि शेकल्या".
तन्मय पुढे म्हणाला,"पिठलं-भाकरी हे आवडीचं जेवण असून स्वत:बनवून खाण्यात एक वेगळीच मजा आहे ती अनुभवली. मुलांनी स्वत:चं स्वत: जेवण बनवणं आजही समाजात खूप कमी पाहायला मिळतं. सरकारलाही जेवण बनवता येत नसलं तरी तो स्वत:चं पोट भरण्याइतकं जेवण बनवू शकतो. साधं जेवणचं खूप कमाल असतं कारण त्या जेवणात कोणाला इंप्रेस करण्यासाठी किंवा पैसे कमवण्याचा आवीर्भाव नसतो".
View this post on Instagram
ही बातमी वाचा :
महत्त्वाच्या बातम्या
ट्रेंडिंग न्यूज
