Chala Hawa Yeu Dya: 'चला हवा येऊ द्या' च्या मंचावरही आता मधुमास बहरणार; 'महाराष्ट्र शाहीर' चित्रपटाची टीम शोमध्ये लावणार हजेरी

महाराष्ट्र शाहीर (Maharashtra Shahir) या चित्रपटाची टीम 'चला हवा येऊ द्या' (Chala Hawa Yeu Dya) या शोमध्ये हजेरी लावणार आहे.

Chala Hawa Yeu Dya

Chala Hawa Yeu Dya: छोट्या पडद्यावरील  'चला हवा येऊ द्या' (Chala Hawa Yeu Dya)  या शोमध्ये विविध सेलिब्रिटी हजेरी लावत असतात. या शोमधील कलाकार प्रेक्षकांना खळखळून हसवतात.  चला हवा येऊ द्या'  या कार्यक्रमाच्या आगामी एपिसोडचा प्रोमो नुकताच सोशल मीडियावर शेअर करण्यात आला आहे. या प्रोमोमध्ये दिसत आहे की,  महाराष्ट्र शाहीर (Maharashtra Shahir) या चित्रपटाची टीम 'चला हवा येऊ द्या' या शोमध्ये हजेरी लावणार आहे.

'चला हवा येऊ द्या' कार्यक्रमाच्या  प्रोमोच्या सुरुवातीला या कार्यक्रमातील सर्व कलाकार हे 'बहरला हा मधुमास नवा' या महाराष्ट्र शाहीर चित्रपटामधील गाण्यावर थिरकताना दिसत आहेत. त्यानंतर भाऊ कदम आणि निलेश साबळे यांची कॉमेडी पाहून अभिनेता अंकुश चौधरी, भरत जाधव आणि केदार शिंदे हे खळखळून हसतात. 'चला हवा येऊ द्या' कार्यक्रमाचा हा एपिसोड प्रेक्षक 23 एप्रिल रोजी रात्री 9.30 प्रेक्षकांच्या भेटीस येणार आहे.

पाहा प्रोमो: 

 

 

 

 

 

View this post on Instagram

 

 

 

 

 

 

 

 

 

 

 

A post shared by Zee Marathi (@zeemarathiofficial)

भाऊ कदम,निलेश साबळे, श्रेया बुगडे, कुशल बद्रिके हे कलाकार 'चला हवा येऊ द्या'  या कार्यक्रमामध्ये विविध स्किट सादर करत असतात. निलेश साबळे हा या कार्यक्रमाचं सूत्रसंचालन करतो. या कार्यक्रमामध्ये वेगवेगळ्या मालिकांची तसेच चित्रपटाची टीम प्रमोशनसाठी येत असते. 'चला हवा येऊ द्या'  या कार्यक्रमाच्या आगामी एपिसोडची प्रेक्षक उत्सुकतेने वाट बघत असतात. या कार्यक्रमाच्या गेल्या एपिसोडमध्ये काही जादूगारांनी  हजेरी लवाली.

महाराष्ट्र शाहीर 'या' दिवशी येणार प्रेक्षकांच्या भेटीस

महाराष्ट्र शाहीर या चित्रपटाचं  दिग्दर्शन केदार शिंदे यांनी केलं आहे.  या चित्रपटात अंकुशसोबतच अतुल काळे, अमित डोलावत, सना केदार शिंदे हे कलाकार देखील प्रमुख भूमिका साकारणार आहेत. हा चित्रपट 28 एप्रिल 2023 रोजी प्रेक्षकांच्या भेटीला येणार आहे. प्रेक्षक या चित्रपटाची उत्सुकतेने वाट बघत आहेत. या चित्रपटांमधील गाण्यांना आणि चित्रपटाच्या ट्रेलरला प्रेक्षकांची पसंती मिळाली.  महाराष्ट्र शाहीर हा चित्रपट लोकशाहीर स्वर्गीय कृष्णराव गणपतराव साबळे उर्फ शाहीर साबळे (Shahir Sable) यांच्या आयुष्यावर आधारित आहे.

वाचा इतर महत्वाच्या बातम्या: