Bigg Boss Telugu 6 Winner: घर, गाडी आणि लाखोंचे बक्षीस; बिग बॉस तेलगू- 6 चा विजेता ठरलेल्या रेवंतवर बक्षिसांचा पाऊस
बिग बॉस सीझन-6 च्या या सीझनता रेवंत (LV Revanth) हा विजेता ठरला आहे. तर फर्स्ट रनर-अप श्रीहन (Shrihan) हा ठरला आहे.
Bigg Boss Telugu 6 Winner: छोट्या पडद्यावरील प्रसिद्ध शो बिग बॉसला प्रेक्षकांची पसंती मिळते. काल (19 डिसेंबर) बिग बॉस तेलगू (Bigg Boss Telugu 6) सीझन-6 चा ग्रँड फिनाले पार पडला. हा शो 4 सप्टेंबर 2022 रोजी सुरु झाला होता. बिग बॉस सीझन-6 च्या या सीझनता रेवंत (LV Revanth) हा विजेता ठरला. तर फर्स्ट रनर-अप श्रीहन (Shrihan) हा ठरला. हे दोघेही बिग बॉस तेलगूच्या या सीझनचे प्रसिद्ध स्पर्धक आहेत.
रिअॅलिटी शो 'बिग बॉस तेलगू सीझन 6' चे सूत्रसंचालन सुपरस्टार नागार्जुननं केलं. शोच्या ग्रँड फिनालेमध्ये, विजेत्याची घोषणा करण्यापूर्वी, नागार्जुनने श्रीहन आणि रेवंत यांना ऑफर दिली. ट्रॉफीच्या बदल्यात 40 लाख रुपयांची ऑफर नागर्जुननं श्रीहन आणि रेवंत यांना दिली. श्रीहानने 40 लाखांची ऑफर स्वीकारली आणि तो पहिला उपविजेता ठरला.
रेवंतवर बक्षिसांचा पाऊस
श्रीहानने 40 लाखांची ऑफर स्वीकारताच रेवंतला विजेता घोषित करण्यात आले. विशेष म्हणजे श्रीहानला रेवंतपेक्षा जास्त मते मिळाली होती. त्याने माघार घेतली नसती तर श्रीहान विजेता ठरला असता. रेवंतला ट्रॉफीसह 10 लाख रुपये रोख, 25 लाख रुपयांचे घर आणि एक नवीन कार देण्यात आली.
बिग बॉस-6 मध्ये रेवंत आणि श्रीहन यांच्यासोबतच राज शेखर, आदी रेड्डी, रोहित साहनी, किर्ती भट्ट, श्री सत्य, इनाया सुल्ताना, फॅमा, मरीना अब्राहम सॅनी, वसंती कृष्णन, बाला आदित्य, गीतू रोयल, आरजे सूर्या, अर्जुन कल्याण, अरोही राव, नेहा चौधरी, अभिनाया श्री, शनी या कलाकारांनी देखील सहभाग घेतला.
तेलगूबरोबरच हिंदी आणि मराठी बिग बॉसला देखील प्रेक्षकांची पसंती मिळते. यामधील हिंदी बिग बॉसचे सूत्रसंचालन सलमान खान करतो. तर मराठी बिग बॉसचे सूत्रसंचालन महेश मांजरेकर करतात.
View this post on Instagram
वाचा इतर महत्वाच्या बातम्या:
महत्त्वाच्या बातम्या
ट्रेंडिंग न्यूज
