Bigg Boss Marathi Season 5 : फॉरेनची पाटलीण! रांगड्या मातीत फुलणार 'परदेसी' प्रेमाचं रोपटं? बिग बॉसच्या घरात वैभव आणि इरिनाच्या नव्या केमिस्ट्रीची चर्चा
Bigg Boss Marathi Season 5 : बिग बॉसच्या घरात आता एका नव्या केमिस्ट्रीची चर्चा सुरु झाली आहे. वैभव आणि इरिनामध्ये टास्क खेळता खेळता प्रेमाचा गेम होणार का? याचीही उत्सुकता लागून राहिलीये.
Bigg Boss Marathi Season 5 : 'बिग बॉस मराठी'च्या नव्या सीझनच्या (Bigg Boss Marathi Season 5) सुरुवातीपासूनच घरात प्रेमाचे वारे वाहू लागले आहेत. निक्की तांबोळी (Nikki Tamboli) आणि अरबाज पटेलचा (Arbaz Patel) बॉन्ड नेटकऱ्यांच्या आणि 'बिग बॉस'प्रेमींच्या चांगलाच पसंतीस उतरत आहे. अशातच आता आणखी एक प्रेमकहाणी फुलू शकते. रांगड्या मातीत परदेसी प्रेमाचं रोपटं फुलताना दिसून येणार आहे. वैभव चव्हाण (Vaibhav Chavan) आणि इरिना रुडाकोव्हाच्या (Iirina Rudakova) नव्या केमिस्ट्रीची सध्या घरात चर्चा आहे.
'बिग बॉस मराठी'चा नवा प्रोमो समोर आला आहे. यामध्ये कॅप्टन्सीचा टास्क खेळता खेळता इरिना आणि वैभवच्या केमिस्ट्रीने साऱ्यांचं लक्ष वेधून घेतलं आहे. त्यामुळे अरबाज निक्कीनंतर आता वैभव आणि इरिनामध्येही प्रेमाचे वारे वाहत असल्याची जोरदार चर्चा सुरु आहे.
प्रोमोमध्ये काय?
नव्या प्रोमोमध्ये वैभव चव्हाण इरिनाचं वारंवार कौतुक करताना आणि तिला जास्त महत्त्व देताना दिसून येत आहे. प्रोमोमध्ये वैभव चव्हाण इरिनाला म्हणतोय,"कालपेक्षा जास्त सुंदर दिसतेस. मला तू जास्त महत्त्वाची व्यक्ती असल्याचं फिल होतंय". त्यावर इरिना 'हो' असं उत्तर देते. तर दुसरीकडे जान्हवी वैभवला म्हणते,"फॉरेनची पाटलीन मस्त आहे". त्यावर निक्की म्हणतेय,"भाई...तुझं काय चाललंय". बारामतीचा रांगडा गडी अभिनेता वैभव चव्हाण आणि परदेसी गर्ल इरिना
View this post on Instagram
रूडाकोवा यांच्यात खरंच प्रेम फुलतंय की नाटक आहे हे जाणून घेण्यासाठी प्रेक्षकांना आजचा एपिसोड पाहावा लागेल.
'बिग बॉस मराठी'च्या घरात आज पहिला कॅप्टनसी टास्क पार पडणार आहे. 'कॅप्टनसीची बुलेट ट्रेन' असं या कॅप्टनसी कार्याचं नाव आहे. या टास्कदरम्यान घरात सूरज आणि वैभवमध्ये दोरदार भांडण झालेलं पाहायला मिळणार आहे. "दम असेल तर मला हात लावून दाखव", असं वैभव सूरजला म्हणतो. पण इरिना मात्र सूरजला शांत करते.
ही बातमी वाचा :
महत्त्वाच्या बातम्या
ट्रेंडिंग न्यूज
