Bigg Boss Marathi Season 5 : खरं बोललं तर टोचणारचं; 'बिग बॉस मराठी'च्या घरात 'सत्याचा पंचनामा', जोरदार राडा
Bigg Boss Marathi Season 5 : आज बिग बॉसच्या घरात सत्याचा पंचनामा होणार आहे. या टास्क दरम्यान घरातील सदस्यांमध्ये जोरदार राडा होणार आहे.
Bigg Boss Marathi Season 5 : 'बिग बॉस मराठी'च्या नव्या सीझनचा (Bigg Boss Marathi New Season) आता चौथा आठवडा सुरू झाला आहे.या चौथ्या आठवड्यात आता घरातील सदस्यांमध्ये टास्क जिंकण्यासाठी आणखीच चुरस वाढणार आहे. 'भाऊच्या धक्क्या'वर होस्ट रितेश देशमुखने शाळा घेतल्यानंतर आता घरातील सदस्य आपला खेळ उंचावण्याचा प्रयत्न करणार आहेत. आज बिग बॉसच्या घरात सत्याचा पंचनामा होणार आहे. या टास्क दरम्यान घरातील सदस्यांमध्ये जोरदार राडा होणार आहे.
बिग बॉसच्या घरात आता चौथा आठवडा सुरू झाला असून आज 'टीम ए' आणि 'टीम बी' अशा दोन गटांमध्ये 'सत्याचा पंचनामा' होणार आहे. 'बिग बॉस मराठी'च्या घरातील सदस्य कधी खरं बोलतील आणि कधी काय कोणापासून लपवतील हे सांगू शकत नाही. त्यामुळे 'सत्याचा पंचनामा'मध्ये धमाका होणार आहे.
'बिग बॉस मराठी'चा या टास्कमधील नवा प्रोमो समोर आला आहे. या प्रोमोमध्ये ,"आज होणार आहे सत्याचा पंचनामा", असे बिग बॉस म्हणतात. या टास्कमध्ये प्रत्येक सदस्याला एका रुममधील शेअरवर बसावे लागत आहे. त्यानंतर बिग बॉस त्या व्यक्तीबद्दल भाष्य करतात. त्यांच्या या मतावर दोन्ही गटांना सहमती, असहमती सांगायची असते.
प्रोमोमध्ये 'सत्याचा पंचनामा'मध्ये जान्हवी बसलेली असून 'बिग बॉस म्हणत आहेत,"आपण या खेळात निक्की यांची सावली आहात. आपलं स्वत:चं असं अस्तित्व नाही". त्यावर टीम B मधील सदस्य सहमती दर्शवतात. तर, आर्या 'सत्याचा पंचनामा'मध्ये असताना निक्की तिला बालिश बुद्धीची असल्याचे म्हणते. या टास्कच्या दरम्यान टीम ए आणि टीम बी दरम्यान वादावादी होते. या वादात निक्की अॅग्रेसिव्ह होते आणि टास्कसाठीच्या वोटिंगचे बटण जोरात दाबते.
View this post on Instagram
आता बिग बॉस घरातील सदस्यांबाबत नेमकं कोणतं सत्य सांगणार आणि कोणत्या कारणांवर घरातील सदस्य राडा करणार, हे आजच्या एपिसोडमध्ये दिसून येणार आहे.
योगिता चव्हाण आणि निखिल दामले 'बिग बॉस मराठी'च्या घराबाहेर!
'बिग बॉस मराठी'च्या घरात या आठवड्यात डबल एविक्शन पार पडलं आहे. त्यामुळे निखिल दामले आणि योगिता चव्हाण या दोन सदस्यांचा 'बिग बॉस मराठी'च्या घरातला प्रवास संपला आहे. 'बिग बॉस मराठी'च्या या आठवड्यात निखिल दामले, योगिता चव्हाण, अभिजीत सावंत आणि सूरज चव्हाण या सदस्यांवर नॉमिनेशनची टांगती तलवार होती.
महत्त्वाच्या बातम्या
ट्रेंडिंग न्यूज
