एक्स्प्लोर

निवडणूक निकाल २०२४

(Source: ECI/ABP News/ABP Majha)

Bigg Boss Marathi 3 : या आठवड्याच्या मध्यात बिग बॉसच्या घरातून एक स्पर्धक घेणार निरोप

Bigg Boss Marathi 3: टिकटॉकस्टार सोनाली पाटीलने बिग बॉस मराठीच्या घराचा निरोप घेतला आहे. त्यानंतर या आठवड्याच्या मध्यात आणखी एक स्पर्धक बिग बॉसमधून बाहेर पडणार आहे.

By : एबीपी माझा वेब टीम | Edited By: मंजिरी पोखरकर | Updated at : 20 Dec 2021 11:43 PM (IST)

bigg_boss_marathi_3

Bigg Boss Marathi 3 : बिग बॉस मराठी कार्यक्रमाचा हा शेवटचा आठवडा सुरू आहे. ग्रॅंड फिनाले अवघ्या काही दिवसांत पार पडणार आहे. विशाल निकम, मीनल शाह, विकास पाटील, मीरा जगन्नाथ, उत्कर्ष शिंदे, जय दुधाणे या सहा स्पर्धकांमध्ये ग्रँड फिनाले रंगणार होता. पण महेश मांजरेकरांनी जाहीर केल्याप्रमाणे या आठवड्याच्या मध्यात बिग बॉसच्या घरातून एक स्पर्धक निरोप घेणार आहे.

तिकीट टू फिनाले मिळवून विशाल निकम थेट महाअंतिम फेरीत पोहोचला आहे. मात्र मीनल शाह, विकास पाटील, मीरा जगन्नाथ, उत्कर्ष शिंदे आणि जय दुधाणे या पाच स्पर्धकांमध्ये चुरशीची स्पर्धा रंगणार आहे. बिग बॉसच्या घरात पहिल्यांदाच मिड-वीक एलिमिनेशन होणार आहे. पाचही जण नॉमिनेशनमध्ये असून त्यांच्यापैकी एका स्पर्धकाला घराचा निरोप घ्यावा लागणार आहे. येत्या बुधवार किंवा गुरुवारच्या भागात एक स्पर्धक घराबाहेर जाणार आहे.

View this post on Instagram

A post shared by Colors Marathi Official Page (@colorsmarathi)

रविवारी 26 डिसेंबर रोजी संध्याकाळी 7 वाजता 'बिग बॉस मराठी 3' चा ग्रँड फिनाले रंगणार आहे. 'बिग बॉस मराठी 3' च्या विजेत्याला वीस लाखांची रक्कम मिळणार आहे. विशाल, मीनल आणि जय हे तिघेही विजेतेपदाचे मानकरी असल्याचे समजले जातात. बिग बॉसच्या तिसऱ्या पर्वाची ट्रॉफी कोणाला मिळणार याकडे प्रेक्षकांचे लक्ष लागले आहे.

कोल्हापूरकर सोनाली पाटील बिग बॉसमधून बाहेर
सोनालीच्या चाहत्यांसाठी हा अत्यंत धक्कादायक निर्णय आहे. टिकटॉकमुळे सोनालीचा सोशल मीडियावर प्रचंड मोठा चाहता वर्ग आहे. वैजू नंबर वन या मालिकेद्वारे सोनालीने मनोरंजनसृष्टीत पदार्पण केले होते. या मालिकेद्वारे तिने प्रेक्षकांची मनं जिंकली होती. बिग बॉसच्या घरात सोनाली आणि मीनलची जोडी म्हणजेच सोना-मोनाची जोडी प्रचंड लोकप्रिय झाली होती.

संंबंधित बातम्या