Bigg Boss 18: सलमानच्या शोमध्ये ग्लॅमरचा तडका, 3 वाईल्डकार्ड एन्ट्रीनं बिगबॉसचं घर दणाणलं, कोणाची होतेय एन्ट्री?
सलमान खानचा बिग बॉस आतापर्यंत टीआरपी चार्टवर काही खास कामगिरी करत नाहीये. या शोचा टीआरपी वाढवण्यासाठी निर्माते या शोमध्ये वाइल्ड कार्ड स्पर्धकांना पाठवत आहेत.
Bigg Boss 18: बिगबॉस १८ च्या घरात निर्मात्यांनी एक नवा ट्विस्ट आणला आहे. या ट्विस्टमुळे सलमान खानच्या शोमध्ये ३ वाईल्डकार्ड स्पर्धक दाखल होणार आहेत. तीन ग्लॅमरस अभिनेत्रींची घरात दणक्यात एन्ट्री झाल्यानं या रिॲलिटी शोमध्ये वेगळाच ट्विस्ट आला आहे. गेल्या विकेंड का वारमध्ये बिगबॉसच्या घरात एलिमिनेशन झाले नव्हते. दरम्यान, बिगबॉसच्या घरात तिघींची एन्ट्री झाल्यानं मनोरंजना मसाला वाढणार आहे.
कोण आहेत हे वाईल्डकार्ड स्पर्धक
बिगबॉसच्या घरात आता ३ मॉडल, अभिनेत्री स्टाईलमध्ये एन्ट्री घेताना दिसतायत. कलर्स टीव्हीनं याबद्दलचा एक प्रोमोही शेअर केलाय. आदिती मिस्त्री,यामिनी मल्होत्रा, अदिन रोज या तीन अभिनेत्रींनी बिगबॉसच्या घरात धडाक्यात एन्ट्री घेतल्यानं चर्चा वाढली आहे.
कोण आहे अदिती मिस्त्री?
अदिती मिस्त्री स्वतःला स्पोर्ट्स आणि लाइफस्टाइल मॉडेल म्हणून प्रेझेंट करते. खरे तर तिचे नाव 'स्टाईल' फेम साहिल खानसोबतही जोडले गेले होते. पण TV9 हिंदी डिजिटलशी संवाद साधताना आदितीने सांगितले की, ती गेल्या एक वर्षापासून साहिलच्या संपर्कात नसल्याचं सांगितलं.. साहिल हा फक्त त्याचा चांगला मित्र होता आणि तिच्या साहिलशी संबंध असल्याच्या बातमीत तथ्य नाही. असं तिनं सांगितलं होतं.
टीव्ही अभिनेत्री यामिनी मल्होत्राची दमदार एन्ट्री
टीव्ही अभिनेत्री यामिनी मल्होत्रा हिने स्टार प्लस मालिका 'गम है किसी के प्यार'मध्ये नील भट्ट म्हणजेच विराट आणि सईच्या ऑनस्क्रीन मावशीची भूमिका साकारली होती. यामिनी मल्होत्राने ती बिग बॉसच्या घरात तिची जादू दाखवणार असल्याचं सांगते. तिच्या सौंदर्यासोबतच ती तिचा मेंदूही शोमध्ये घेऊन जात असल्याचं तिनं सांगितलं.
View this post on Instagram
अदिन रोज दक्षिणेतली...
दुबईत राहणारी दाक्षिणात्य अभिनेत्री अदिन रोजनंही बिगबॉसच्या घरात वाईल्डकार्ड एन्ट्री घेतली आहे.तेलुगू चित्रपटसृष्टीतील प्रसिद्ध अभिनेते रवी तेजासोबत तिनं काम केले आहे. हिंदी, अरबी, तामिळ, कन्नड, मल्याळम, कोकणी यासोबतच आदिनला पंजाबी भाषाही अवगत आहे.
View this post on Instagram
बिगबॉसचा टीआरपी वाढणार का?
सलमान खानचा बिग बॉस आतापर्यंत टीआरपी चार्टवर काही खास कामगिरी करत नाहीये. या शोचा टीआरपी वाढवण्यासाठी निर्माते या शोमध्ये वाइल्ड कार्ड स्पर्धकांना पाठवत आहेत. प्रथम, निर्मात्यांनी स्प्लिट्सविला फेम दिग्विजय राठी आणि कशिश यांना बिग बॉसच्या घरात पाठवले, या आशेने की त्यांच्या भांडणामुळे शोमध्ये एक नवीन ट्विस्ट येईल. पण सलमान खानसमोर जोरदार भांडण झालेल्या दिग्विजय आणि कशिश यांनी बिग बॉस 18 च्या घरात एकमेकांकडे मैत्रीचा हात पुढे केला आहे. त्यांची कामगिरी पाहून, निर्मात्यांनी बिग बॉसला मनोरंजक बनवण्यासाठी पुन्हा एकदा शोमध्ये 3 वाईल्ड कार्ड स्पर्धकांचा समावेश करण्याचा निर्णय घेतला आहे.
महत्त्वाच्या बातम्या
ट्रेंडिंग न्यूज
