Bigg Boss 16 : फराह खानचा टीना दत्तावर राग अनावर; भर कार्यक्रमातून निघाली बाहेर! पाहा व्हिडीओ

Bigg Boss 16 : या आठवड्यात फराह खान ‘बिग बॉस 16’चा ‘वीकेंड का वार’ हा एपिसोड होस्ट करताना दिसली.

Bigg Boss 16

Bigg Boss 16 : हिंदी रिअॅलिटी शो बिग बॉस 16 (Bigg Boss 16) नेहमी वेगवेगळ्या कारणांनी चर्चेत असतो. बिग बॉसचा महाअंतिम सोहळा अवघ्या काही दिवसांवर येऊन ठेपला आहे. दरम्यान या स्पर्धेत टिकून राहण्यासाठी प्रत्येक स्पर्धकाने कंबर कसली आहे. नुकताच या शोचा ‘वीकेंड का वार’ चा एपिसोड झाला. या आठवड्यात सलमान खानऐवजी फराह खान ‘बिग बॉस 16’चा ‘वीकेंड का वार’ हा एपिसोड होस्ट करताना दिसली. यावेळी फराह खान (Farah Khan) आणि टीना दत्तामध्ये चांगलीच टक्कर झालेली दिसली.

गेल्या आठवड्यात सलमान खानने टीना आणि शालीनची चांगलीच शाळा घेतली होती. यावेळी सलमान खानने दोघांनाही एकमेकांपासून दूर राहण्याचा सल्ला दिला होता. या आठड्यात शालीनची साथ सोडून टीना दत्ता प्रियांकासोबत गेम प्लॅनिंग करताना दिसली. मात्र, प्रियांका देखील शालीनला त्रास देताना दिसली होती. यात टीना दत्ता तिला साथ देत होती. एकीकडे शालीन मानसिक समस्येशी झुंज देत आहे, तर, दुसरीकडे टीना आणि प्रियांका सतत त्याला त्रास देत होत्या. यामुळे शालीन अनेकदा घरात गोंधळ घालताना दिसला.

या संपूर्ण प्रकरणावर फराह खानने टीना दत्ताची चांगलीच शाळा घेतली. तर प्रियांकाला देखील फटकारले. टीना दत्ता तिच्या दाताच्या दुखण्यामुळे हैराण झाली होती. याच कारणामुळे तिला घराबाहेर जायचे होते. यावर फराह खान म्हणाली की, ‘टीनाच्या दाताच्या दुखण्याचा तुम्ही खूप बाऊ केलात आणि आता तिला घरातून बाहेर जायचे आहे. पण, शालीनची मानसिक अवस्था ठिक नाही, हे माहित असताना देखील तुम्ही त्याची चेष्टा करत गेलात. हे वागणं अतिशय लज्जास्पद होतं. तेव्हा तुम्हाला त्याची दया आली नाही.’

 

 

 

 

 

View this post on Instagram

 

 

 

 

 

 

 

 

 

 

 

A post shared by ColorsTV (@colorstv)

यानंतर टीनाने देखील स्वतःची बाजू सावरण्याचा प्रयत्न केला होता. टीना म्हणाली की, ‘हे अतिशय चुकीच्या पद्धतीने सादर केलं जात आहे. आम्ही असं काहीही चुकीचं वागलेलो नाही.’ मात्र, टीनाचं हे स्पष्टीकरण फराहला फारसं आवडलं नाही. फराहने टीनाला शांत बसण्यास सांगितले. मात्र, तरीही टीनाचं बोलणं अविरत सुरू होतं. यानंतर फराहने तिला निघून जाण्याची धमकी देखील दिली. त्यावर टीनाची प्रतिक्रिया पाहून फराह संतापली आणि तिने बाहेर जाण्याचा निर्णय घेतला. दोघींमधला हा वाद सध्या सोशल मीडियावर चांगलाच गाजतो आहे.

महत्त्वाच्या बातम्या :