VIDEO : जान्हवी किल्लेकरचं खास दिवाळी सेलिब्रेशन, लक्ष्मीपुजनानिमित्त सासूसोबतचा खास व्हिडीओ शेअर करताच नेटकऱ्यांकडून कौतुक

Jahnavi Killekar Video : अभिनेत्री जान्हवी किल्लेकरने लक्ष्मीपुजनाच्या दिवशी सासूबाईचे पाय धुताना आणि औक्षण करतानाचा व्हिडीओ शेअर केला आहे.

Jahnavi Killekar Diwali Celebration Laxmi Pujan Video Viral

Source : Instagram

Jahnavi Killekar Diwali Celebration : सर्वत्र दिवाळीची धामधूम पाहायला मिळत आहे. सर्वसामान्यांपासून सेलिब्रिटीही धूमधडाक्यात दिवाळी साजरी करताना दिसत आहेत. बिग बॉस मराठी फेम अभिनेत्री जान्हवी किल्लेकरही यात मागे नाही. अभिनेत्री जान्हवी किल्लेकर बिग बॉस मराठी सीझन 5 मध्ये स्पर्धक म्हणून सामील झाली होती. बिग बॉसच्या घरात सुरुवातीला जान्हवी चुकीच्या मार्गाने गेल्यामुळे तिला प्रेक्षकांचा रोष स्वीकारावा लागला, पण त्यानंतर तिने तिची चूक सुधारत घरातील सर्वांशी चांगले संबंध जुळवत प्रेक्षकांचं मन जिंकलं. बिग बॉसच्या घराबाहेर पडल्यानंतरही जान्हवी सोशल मीडियाच्या माध्यमातून प्रेक्षकांसोबत जोडलेली राहण्याचा प्रयत्न करताना दिसत आहे. अभिनेत्री जान्हवी किल्लेकर हिने दिवाळी सेलिब्रेशनचा व्हिडीओ शेअर केला आहे. 

जान्हवी किल्लेकरचं खास दिवाळी सेलिब्रेशन

छोट्या पडद्यावरील अभिनेत्री जान्हवी किल्लेकर बिग बॉस मराठीच्या पाचव्या पर्वामुळे प्रसिद्ध झाली. तिचा मोठा चाहतावर्ग असून ती प्रत्येक अपडेटस, फोटो आणि व्हिडीओ चाहत्यांसोबत शेअर करत असते. नुकताच जान्हवी किल्लेकरने लक्ष्मीपुजनाचा व्हिडीओ तिच्या इंस्टाग्राम अकाऊंटवर शेअर केला आहे. या व्हिडीओमध्ये ती सासूबाईंसोबत खास पद्धतीने लक्ष्मीपुजन साजरं करताना दिसत आहे.

लक्ष्मीपुजनानिमित्त सासूसोबतचा खास व्हिडीओ शेअर

बिग बॉस मराठीमध्ये सुरुवातीच्या आठवड्यांमध्ये जान्हवी किल्लेकर निक्की आणि अरबाज यांच्याप्रमाणे आदळआपट करत प्रेक्षकांचं लक्ष वेधण्याचा प्रयत्न करत होती. पण, यामुळे तिच्या हातून काही चुकीच्या कृती घडली आणि तिला जेलची शिक्षा झाली. त्यानंतर जान्हवीने तिची चूक सुधारली. ती बिग बॉसच्या घरात अनेक वेळा बोलली होती की, हा तिचा स्वभाव नसून ती इतरांच्या इन्फ्लुएंसमध्ये आल्याने असं वागत आहे. आता तिचा खरा स्वभाव कसा आहे, याची कल्पना चाहत्यांना तिच्या नवीन व्हिडीओवरुन आली आहे.

 

 

 

 

 

View this post on Instagram

 

 

 

 

 

 

 

 

 

 

 

A post shared by Jahnavi Kiran Killekar (@jahnavikillekar)

नेटकऱ्यांकडून जान्हवीचं कौतुक

जान्हवी किल्लेकरने तिच्या इंस्टाग्राम अकाऊंटवर एक व्हिडीओ शेअर केला आहे. याव्हिडीओमध्ये जान्हवी लक्ष्मीपुजन आणि दिवाळी साजरी करताना दिसता आहे. या व्हिडीओमध्ये जान्हवी आधी सासूबाईंचे दुधाने पाय धुते मग, तिच्या पदराने त्यांचे पाय पुसते. यानंतर ती सासूबाईंना औक्षण करत त्यांच्या पायावर डोकं ठेवते.

इतकंच नाही, तर जान्हवी लक्ष्मीपुजनानिमित्त घरातील इतर महिला आणि मुलींचेही पाय धुवून, त्यांचं औक्षण केलं आणि त्यांचा आर्शिवाद घेतला. जान्हवी किल्लेकरचा हा व्हिडीओ सध्या चर्चेचा विषय बनला आहे. हा व्हिडीओ व्हायरल झाल्यानंतर नेटकरी तीच कौतुक करताना दिसत आहेत. 

महत्त्वाच्या इतर बातम्या :