Aai Kuthe Kay Karte : अनिरुद्धने वीणाला फसवून चोरले 50 लाख रुपये; नितीनचा मोठा गौप्यस्फोट

Aai Kuthe Kay Karte : 'आई कुठे काय करते' या मालिकेत अनिरुद्धने वीणाच्या कंपनीत चोरी केल्याचं सत्य अखेर सर्वांसमोर येणार आहे.

Aai Kuthe Kay Karte

Aai Kuthe Kay Karte Marathi Serial Latest Update : 'आई कुठे काय करते' (Aai Kuthe Kay Karte) ही छोट्या पडद्यावरील लोकप्रिय मालिका आहे. गेल्या काही वर्षांपूर्वी सुरू झालेल्या या मालिकेची क्रेझ आजही कायम आहे. आता या मालिकेच्या आगामी भागात अनिरुद्धने वीणाच्या कंपनीत चोरी केल्याचं सत्य अखेर सर्वांसमोर येणार आहे. 

'आई कुठे काय करते' मालिकेच्या आजच्या भागात काय पाहायला मिळणार? (Aai Kuthe Kay Karte Todays Episode Update)

'आई कुठे काय करते' या मालिकेच्या आजच्या भागाच्या सुरुवातीला अप्पा कांचन आजीची आठवण काढताना दिसत आहेत. तर दुसरीकडे वीणाची आठवण काढत चिंता व्यक्त करत अनिरुद्ध आशुतोषला टोमना मारतो. तो म्हणतो की,"वीणाला जेव्हा तिच्या जवळच्या लोकांची गरज असते. त्यावेळी तिची माणसं तिच्यासोबत नसतात". 

 

 

 

 

 

View this post on Instagram

 

 

 

 

 

 

 

 

 

 

 

A post shared by सीरियल जत्रा (@serialjatra)

दरम्यान आशुतोषच्या ऑफिसमध्ये नितीन वीणाच्या कंपनीचे अकाऊंट्स चेक करतो. त्यावेळी त्याच्या लक्षात येतं की, 50 लाख रुपये कोणीतरी नोंद न करता काढले आहेत. त्यावेळी अनिरुद्धने गोंधळ घातल्याचा संशय त्याला येतो. त्यानंतर अनिरुद्ध केबिनमध्ये गेल्यानंतर नितीन त्याला थेट विचारतो की,"अनिरुद्ध तू काही लपवत आहेस का?". त्यामुळे आता अनिरुद्ध काय उत्तर देणार याकडे सर्वांचं लक्ष लागलं आहे.

'आई कुठे काय करते' मालिकेचा प्रोमो व्हायरल

'आई कुठे काय करते' मालिकेचा एक प्रोमो सध्या सोशल मीडियावर व्हायरल होत आहे. या प्रोमोमध्ये अनिरुद्ध वीणाकडून सहानुभुती मिळवण्याचा प्रयत्न करत असल्याचं दिसत आहे. तसेच अरुंधती आणि आशुतोषला नितीन अनिरुद्धने चोरी केल्याचं सांगतो. अनिरुद्धने वीणाला फसवून तिच्या कंपनीतून 50 लाख रुपयांची चोरी केली आहे. 

'आई कुठे काय करते' ही छोट्या पडद्यावरील लोकप्रिय मालिका आहे. टीआरपीच्या शर्यतीतदेखील या मालिकेने बाजी मारली आहे. नुकत्याच आलेल्या रिपोर्टमध्ये या मालिकेला 6.7 रेटिंग मिळालं आहे. 'आई कुठे काय करते' या मालिकेत अरुंधतीच्या भूमिकेत मधुराणी प्रभूलकर आहे. तर अनिरुद्धच्या भूमिकेत मिलिंद गवळी आणि संजनाच्या भूमिकेत रुपाली भोसले आहे. 

संबंधित बातम्या