Nidhi Bhanushali Sisterhood: 'तारक मेहता...'च्या सोनूचा लूक पाहून चाहते हैराण, या सीरिजमधून करणार कमबॅक
Nidhi Bhanushali Sisterhood: 'तारक मेहता का उल्टा चष्मा' मध्ये सोनूची भूमिका साकारलेली निधी भानूशाली ही एका नव्या भूमिकेत दिसणार आहे.नव्या वेब सीरिजमधून निधी कमबॅक करणार आहे.
Nidhi Bhanushali Sisterhood : छोट्या पडद्यावरील लोकप्रिय मालिका असलेल्या तारक मेहता का उल्टा चष्मा (Taarak Mehta Ka Ooltah Chashmah) मालिकेतील कलाकारांनी लोकांच्या मनात स्थान निर्माण केले. मालिकेतील व्यकतीरेखा साकारणाऱ्या कलाकारांना त्याच नावाने ओळखले जाते, इतकी लोकप्रियता या मालिकेला मिळाली. या मालिकेत सोनूची भूमिका साकारलेली निधी भानूशाली ही एका नव्या भूमिकेत दिसणार आहे.नव्या वेब सीरिजमधून निधी कमबॅक करणार आहे. तिचा लूक पाहून चाहते हैराण झाले आहेत.
निधी भानूशाली सोशल मीडियावर अॅक्टिव्ह असते. तिने आता आपल्या आगामी सीरिजचा ट्रेलर पोस्ट केला आहे. 11 जून रोजी निधीने आपल्या इन्स्टाग्राम अकाउंटवर ट्रेलर शेअर केला आहे. या ट्रेलरसोबत तिने ''शाळेच्या दिवसातील आठवणी आणखी खास करण्यासाठी आलीय गर्ल गँग.'' अशी कॅप्शन दिली आहे.
13 जून रोजी स्ट्रीम होणार 'सिस्टरहुड'
निधी भानुशालीने तिच्या आगामी मालिकेची स्ट्रीमिंग तारीख देखील उघड केली आहे. निधी आणि तिच्या गर्ल गँगची ही सीरिज 13 जूनपासून Amazon Mini TV वर प्रसारित होणार आहे. यामध्ये निधी एका शालेय विद्यार्थिनीच्या भूमिकेत दिसणार आहे.
View this post on Instagram
निधी भानुशाली 25 वर्षांची असून ती वयाच्या 12 व्या वर्षी 'तारक मेहता का उल्टा चष्मा' या मालिकेत झळकली होती. निधीने झील मेहताला रिप्लेस केले आहे. झील मेहतानंतर तिने सोनूची व्यक्तीरेखा साकारली. निधीने जवळपास 7 वर्ष सोनूची भूमिका साकारली होती. तिने 2019 मध्ये मालिकेतून माघार घेतली.
View this post on Instagram
'तारक मेहता..'साठी किती मानधन?
एका वृत्तानुसार, निधी भानुशालीला तारक मेहता का उल्टा चष्माच्या एका एपिसोडसाठी आठ रुपये इतके मानधन मिळत होते. महिना भरात ती जवळपास अडीच लाख रुपये कमावत असे. आता वेब सीरिजमधून ती पु्न्हा एकदा प्रेक्षकांच्या भेटीला येणार आहे.
इतर महत्त्वाच्या बातम्या :
महत्त्वाच्या बातम्या
ट्रेंडिंग न्यूज
