Swapnil Joshi : दोन चित्रपट आणि यशस्वी 50 दिवस, बॉक्स ऑफिसवर स्वप्नील जोशीचा बोलबाला!
Swapnil Joshi : स्वप्नील जोशीच्या दोन सिनेमांनी चित्रपटगृहामध्ये यशस्वी 50 दिवस घालवले आहेत.
Swapnil Joshi : मराठी चित्रपट (Marathi Movie) चित्रपटगृहात चालत नाही असं अनेकदा म्हटलं जातं. पण अशातच नुकत्याच प्रदर्शित झालेल्या 'नवरा माझा नवसाचा 2' (Navra Maza Navsacha) या सिनेमाने चित्रपटगृहात यशस्वी 50 दिवसांचा पल्ला गाठला आहे. नवरा माझा नवसाचा-2 सिनेमाला बॉक्स ऑफिसवर चांगली पसंती मिळाल्याचं चित्र होतं. तब्बल 19 वर्षांनी या सिनेमाचा सिक्वेल आला आणि तो प्रेक्षकांच्या पसंतीस उतरल्याचं चित्र पहायला मिळालं. या सिनेमात अभिनेता स्वप्नील जोशी (Swapnil Joshi) हा मुख्य भूमिकेत आहेत.
स्वप्नीलने यंदाच्या वर्षातच निर्मिती क्षेत्रातही पदार्पण केलं. नाच गं घुमा या सिनेमाच्या निर्मितीची धुरा स्वप्नीलने सांभाळली. विशेष म्हणजे नाच गं घुमा आणि नवरा माझा नवसाचा 2 हे दोन्ही सिनेमांनी चित्रपटगृहात 50 दिवसांचा पल्ला गाठला आहे. एक अभिनेता आणि निर्माता म्हणून त्याचासाठी ही गोष्ट खूप अभिमानास्पद आहे. या दोन्ही चित्रपटात त्याने दुहेरी भूमिका साकारल्या असून स्वप्नील साठी हे वर्ष अजून जास्त खास झालं आहे.
2024 मध्ये स्वप्नीलच्या दोन सिनेमांना घवघवीत यश
नाच गं घुमा चित्रपटातून त्याने निर्मिती विश्वात पदार्पण केल्यानंतर चित्रपटाने बॉक्स ऑफिसवर उत्तम कमाई केली. त्यानंतर नुकत्याच प्रदर्शित झालेल्या नवरा माझा नवसाचा 2 मध्ये देखील त्याने मुख्य भूमिका बजावून हा चित्रपट सुपरहिट केला. हाऊसफुल्ल चित्रपट आणि 50 दिवसाचा यशस्वी पल्ला गाठणारे स्वप्नीलचे 2024 मधले हे दोन मुख्य चित्रपट आहेत.स्वप्नील कायम चर्चेत असलेला अभिनेता म्हणून ओळखला जातो आणि अश्यातच पुन्हा एकदा स्वप्नील ने सगळ्यांचं लक्ष वेधून घेतलं काही दिवसापूर्वी स्वप्नील ने निर्माता म्हणून अजून एका चित्रपटाची घोषणा केली असून " सुशीला- सुजीत" हा नवा चित्रपट 2025 मध्ये प्रेक्षकांच्या भेटीला येणार आहे.
स्वप्नील जोशीसोबत अभिनेता प्रसाद ओक-मंजिरी ओक, संजय मेमाणे आणि निलेश राठी हे कलाकारही या सिनेमाची निर्मिती करणार आहेत. त्यामुळे कलाकारांची एक मोठी फौज या सिनेमाच्या निमित्ताने एकत्रित निर्मितीची धुरा सांभाळणार आहे. मोठे कलाकार हा सिनेमाची निर्मिती करणार असून सिनेमाची स्टारकास्ट कशी असणार हे पाहणं उत्कंठावर्धक ठरणार आहे.
ही बातमी वाचा :
महत्त्वाच्या बातम्या
