'माझ्या मनाला खूप लागलं..; 'झी चित्रगौरव पुरस्कार' सोहळ्यात नक्कल करताच सुरज चव्हाण नाराज, थेट Video पोस्ट करत म्हणाला ..
त्याच्या या व्हिडिओवर त्याच्या अनेक चाहत्यांनी कमेंट करत त्याला सपोर्ट केलाय. तू ओरीजीनल व्यक्ती आहेस त्यामुळे तुझीच नक्कल होणार, काळजी करू नकोस म्हणत चाहत्यांनी सुरजची समजूत काढलीय.
Suraj chavan: मराठी मनोरंजन सृष्टीतील मानाचा समजला जाणारा 'झी चित्र गौरव पुरस्कार' अलीकडेच मोठ्या थाटात पार पडला. या पुरस्काराला अनेक दिग्गज कलाकार, लेखक दिग्दर्शक आणि मराठी मनोरंजन सृष्टीतील नावाजलेले नावं उपस्थित होते. अनेक कलाकारांनी भन्नाट परफॉर्मन्स, स्किट सादर केल्याचे दिसलं. यावेळी बिग बॉस मराठीच्या पाचव्या पर्वाचा विजेता सुरज चव्हाणचीही नक्कल करण्यात आली होती. 'झापुक झुपुक' ,'बुक्कीत टेंगूळ' असे बरेच डायलॉग सादर केले गेले. याचा एक व्हिडिओ ही सोशल मीडियावर शेअर करण्यात आलेला. या व्हिडिओनंतर आता सुरज चव्हाणने एक व्हिडिओ शेअर करत आपली नाराजी व्यक्त केली आहे. सादरीकरण आवडलं पण झी मराठीने मला कार्यक्रमाला बोलावलं नाही असं म्हणत त्याने खंत बोलून दाखवली.
काय म्हणाला सुरज चव्हाण?
सुरज म्हणाला, 'नमस्कार, तुमच्या सगळ्यांचा लाडका सुरज चव्हाण. काही कारणाने मी आज व्हिडिओ बनवतोय, कारण माझं मन खूप दुखावलं आहे. कारण झी मराठीवर एक कार्यक्रम झाला. झी चित्र गौरव. या कार्यक्रमात माझी एक्टिंग बघून मला आनंद झाला. पण मला एक खंत आहे. माझ्या मनाला ही गोष्ट खूप लागली आहे की, एवढा मोठा शो आहे झी चित्र गौरव. त्यांना मला काहीही बोलायचं नाही. ती खूप मोठी लोक आहेत. पण मला त्या कार्यक्रमाच्या कुठलातरी कोपऱ्यात बसवलं असतं तरी मला बरं वाटलं असतं की किमान बोलावलं आहे. त्यांच्याकडून कुठला कॉलही आला नाही. बोलावलंही नाही. ही गोष्ट माझ्या मनाला खूप लागली आहे. माझं मन इतकं दुखलं आहे की ते फक्त माझ्या मनाला माहिती. फॅन लोकांनो ,मी तुम्हाला देव मानतो. तुमच्यामुळे मी मोठा स्टार आहे. हे फक्त तुमच्या आशीर्वादाने आणि आई-वडिलांमुळे झालं आहे. त्यांनी एक नंबर कॅरेक्टर केला आहे सुरज चव्हाणचं.. मलाही आनंद आहे, माझे फॅन पोट धरून हसतात खुदुखुदु.. मला अभिमान आहे. पण मला एक खंत आहे, एकातरी बाजूला मी पाहिजे होतो कुठेतरी. एवढीच माझी अपेक्षा आहे. बाकी काही नाही. " असं सुरज म्हणालाय.
तो पुढे म्हणाला, "माझ्या माणसांना मला एक प्रश्न विचारायचा आहे. तुम्ही सांगा, त्यांनी मला तिथे बोलवायला पाहिजे होतं की नाही? खरं सांगा माझ्या फॅन लोकांनो.. तुम्ही माझे देव आहात. मी देव म्हणून काळजात ठेवले तुम्हाला. तुमच्यासाठी तरी त्यांनी मला बोलवायला हवं होतं की नाही? असा सवालही त्याने केलाय.
त्याच्या या व्हिडिओवर त्याच्या अनेक चाहत्यांनी कमेंट करत त्याला सपोर्ट केलाय. तू ओरीजीनल व्यक्ती आहेस त्यामुळे तुझीच नक्कल होणार, काळजी करू नकोस आम्ही तुझ्यासोबत आहोत म्हणत त्यच्या चाहत्यांनी सुरजची समजूत काढलीय.
हेही वाचा
महत्त्वाच्या बातम्या
