Sunny Deol Angry On Paparazzi: 'लाज वाटायला हवी...', घराबाहेर उभ्या असलेल्या पॅपाराझींवर सनी देओल भडकला; आधी हात जोडले मग, सुनव सुनव सुनवलं
Sunny Deol Angry On Paparazzi: ज्येष्ठ अभिनेते धर्मेंद्र यांच्या घराबाहेर पॅपाराझी आणि चाहते जमले आहेत. गुरुवारी सकाळी अभिनेता सनी देओल त्यांचे वडील धर्मेंद्र यांना भेटण्यासाठी पोहोचला, तेव्हा तो पपाराझींवर संतापला.
Sunny Deol Angry On Paparazzi: हिंदी सिनेसृष्टीतील (Hindi Movies) ज्येष्ठ अभिनेते (Actor) धर्मेंद्र (Dharmendra) यांची प्रकृती सध्या नाजूक आहे. तब्बल बारा दिवस उपचार घेतल्यानंतर धर्मेंद्र यांना रुग्णालयातून डिस्चार्ज (Dharmendra Discharged From Hospital) देण्यात आला. सध्या धर्मेंद्र यांच्यावर त्यांच्या मुंबईतील (Mumbai News) घरीच उपचार सुरू आहेत. त्यानंतर, डॉक्टरांनी आणि सनी देओलच्या टीमनं त्यांच्यावर घरीच उपचार केले जातील, अशी घोषणा केली. अशातच ते घरी परतल्यानंतर, अभिनेत्याची पत्नी हेमा मालिनी, मुलगी ईशा देओल, अभिनेते अमिताभ बच्चन आणि इतर अनेक सिनेस्टार आणि चित्रपट निर्माते त्यांना भेटण्यासाठी घरी आलेले. पण, त्यांना भेटून जाणाऱ्या प्रत्येकाच्याच चेहऱ्यावर एक चिंता दिसत होती. त्यामुळे धर्मेंद्र यांचे चाहते आपल्या लाडक्या अभिनेत्याच्या तब्येतीबाबत जाणून घेण्यासाठी अधीर झाले आहेत. तसेच, अनेक चाहत्यांनी धर्मेंद्र यांच्या घराबाहेर गर्दी केली आहे. अशातच सध्या सोशल मीडियावर धर्मेंद्र यांच्या मोठा लेक सनी देओलचा एक व्हिडीओ व्हायरल होत आहेत. या व्हिडीओमध्ये सनी पाजी फारच चिडलेला दिसतोय.
ज्येष्ठ अभिनेते धर्मेंद्र यांच्या घराबाहेर पॅपाराझी आणि चाहते जमले आहेत. गुरुवारी सकाळी अभिनेता सनी देओल त्यांचे वडील धर्मेंद्र यांना भेटण्यासाठी पोहोचला, तेव्हा तो पपाराझींवर संतापला. गेल्या काही काळापासून देओल कुटुंब आणि टीम वारंवार माध्यमांना त्यांच्या गोपनीयतेचा आदर करण्याची विनंती करत आहेत. तरीसुद्धा पॅपाराझी देओल कुटुंबीयांच्या आजूबाजूला वावरत आहेत. तसेच, धर्मेंद्र यांच्या जुहूमधील घराबाहेरही माध्यमांची मोठी गर्दी आहे. अशातच सनी देओल घराबाहेर स्पॉट झाला आणि त्याचवेळी समोर असलेल्या पॅपाराझींवर चिडला. हा व्हिडीओ सध्या सोशल मीडियावर चर्चेत आहे.
View this post on Instagram
पॅप्सवर संतापला सनी देओल
सोशल मीडियावर सनी देओलचा एक व्हिडीओ व्हायरल होतोय. ज्यामध्ये सनी देओलच्या चेहऱ्यावरची चिंता, दुःख स्पष्टपणे दिसतंय. तो मान खाली करून त्याच्या घराकडे चालत जातोय. त्यानंतर, एक पॅपाराझी ओरडतो, "हा सनी देओल आहे..." त्यावेळी मात्र, चिंतेत दिसणारा सनी देओल चिडतो आणि त्याचा संयम सुटतो. सर्वात आधी सनी देओल पॅपाराझींसमोर उभा राहून हात जोडतो आणि चिडून पॅपाराझींना फटकारतो.
सनी देओल व्हिडीओमध्ये म्हणतोय की, "तुम्हाला लाज वाटत नाही का? तुमच्या घरी आई-वडील आणि मुलं आहेत. तुम्ही त्यांच्यासाठी असे व्हिडीओ बनवताय आणि पाठवताय... तुम्हाला लाज वाटली पाहिजे..." हा व्हिडीओ सध्या सोशल मीडियावर तुफान व्हायरल होतोय. सनी देओलचा राग स्पष्टपणे दिसून येतोय.
"आता सर्वकाही देवाच्याच हातात... प्रार्थना करा..."; हेमा मालिनींनी धरम पाजींच्या प्रकृतीबाबत सगळंच सांगितलं
यापूर्वी हेमा मालिनी यांनी धर्मेंद्र यांनी हेल्थ अपडेट दिलीय. त्या म्हणालेल्या की, "हा माझ्यासाठी खूपच कठीण काळ आहे... धरमजींची तब्येत आमच्यासाठी चिंतेचा विषय आहे. त्यांची मुलं रात्री झोपू शकत नाहीत... सध्या मी अजिबात खचून जाऊ शकत नाही, खूप जबाबदाऱ्या आहेत, पण हो... ते घरी परतल्याचा मला आनंद आहे. ते रुग्णालयातून बाहेर पडले आणि घरी परत आले, याचा आम्हाला दिलासा आहे. त्यांना त्यांच्या लोकांमध्ये राहण्याची गरज आहे. बाकी सर्व काही देवाच्या हातात आहे. कृपया आमच्यासाठी प्रार्थना करा."
महत्त्वाच्या इतर बातम्या :
महत्त्वाच्या बातम्या
