Filmstar Life : आई-वडिल 'सुपरस्टार', पण दोन्ही मुलं 'सुपरफ्लॉप'; एका मुलानं तर बुडवली 100 कोटींची फिल्म, ओळखलंत का?
Filmstar Life : कधी कधी ब्लॉकबस्टर किंवा हिट होण्याची अपेक्षा असलेला चित्रपट जोरदार आपटतो. आणि त्या चित्रपटात काम करणाऱ्या हिरोचं नशीबही आदळतं.
Filmstar Life : सिनेसृष्टी एक मोहाचं जाळं आहे, असं अनेकजण म्हणतात... या मोहाच्या जाळ्यात जो अडकतो, त्याचं कधी नशीब खरोखर फळफळेल... पण, जर या जाळ्यात एखादा गुरफटला तर मात्र, या जाळ्यातून सुटणं अशक्य आहे, असंही अनेकजण बोलतात. कधीकधी ही वाक्य खरीसुद्धा वाटतात. बॉक्स ऑफिसवर अनेक चित्रपट येत असतात. कधी कधी ब्लॉकबस्टर किंवा हिट होण्याची अपेक्षा असलेला चित्रपट जोरदार आपटतो. आणि त्या चित्रपटात काम करणाऱ्या हिरोचं नशीबही आदळतं. मग त्या हिरोला पुढच्या चित्रपटासाठी त्याची फी कमी करावी लागते किंवा मग त्याला पुढचे प्रोजेक्ट्स मिळणं अवघड होतं.
असंच काहीसं झालंय इंडस्ट्रीतल्या दोन स्टारकिड्सबाबत... ज्यांना फ्लॉप कलाकार म्हणून ओळखलं जातं. दोघे सख्खे भाऊ... त्यांचे वडिल सुपरडुपर हिट अभिनेते आणि आई पॅन इंडिया अॅक्ट्रेस. तरीसुद्धा या दोन्ही स्टारकिड्सना आपली जादू काही दाखवता आली नाही.
आम्ही इंडस्ट्रीमधल्या ज्या कुटुंबाबाबत सांगत आहोत, ते कुटुंब गेल्या काही दिवसांपासून चर्चेत आहे, ते आपल्या मुलाच्या दुसऱ्या लग्नामुळे. साऊथ सुपरस्टार नागार्जुन यांचं कुटुंब आणि त्याचा मुलगा नागा चैतन्य दुसरं लग्न करत आहे. यापूर्वी त्यानं साऊथची टॉप अभिनेत्री समंथासोबत लग्न केलं होतं. त्यानंतर 2021 मध्ये दोघांचा घटस्फोट झाला. आता नागा चैतन्य दुसरं लग्न करत आहे.
नागार्जुन हे तेलगू आणि तमिळ इंडस्ट्रीतील सुपरस्टार आहेत. तर त्यांची पत्नी अमला पॅन इंडिया अभिनेत्री आहे. त्यांनी हिंदी, तमिळ आणि तेलगूसह इतर चित्रपटांतही काम केलं. त्यांना नागा चैतन्य आणि अखिल अक्किनेनी अशी दोन मुलं आहेत.
100 कोटींचा सिनेमा ठरला सुपर फ्लॉप
दोन्ही मुलं तेलुगू इंडस्ट्रीत फ्लॉप अभिनेते म्हणून ओळखले जातात. 2023 मध्ये रिलीज झालेला अखिलचा 'एजंट' 100 कोटी रुपयांच्या बजेटमध्ये बनला होता, पण बॉक्स ऑफिसवर 10 कोटींचीसुद्धा कमाई करू शकला नाही. अखिलनं खूप मेहनत घेतली खरी, पण कंटेंटमुळे त्याचे अनेक चित्रपट फ्लॉप ठरले. तर, नागा चैतन्य उत्तम अभिनेता असला तरीसुद्धा त्याच्याकडे फारसे चांगले चित्रपट येत नाहीत.
तसं पाहायला गेलं तर नागा चैतन्यचे फारसे चित्रपटच फ्लॉप ठरत नाहीत. पण, यामुळे निर्मात्यांना मोठा नफाही होत नाही. तरीही चैतन्य स्टार म्हणून आपला ठसा उमटवण्यात यशस्वी झालेला नाही. नागा चैतन्य आगामी चित्रपट तांडेलमध्ये दिसणार आहे.
नागा चैतन्य बांधणार शोभिता धुलीपालाशी लग्नगाठ
नुकतेच नागा चैतन्यने शोभिता धुलीपालाशी लग्न करणार आहे. त्यामुळे संपूर्ण अक्किनेनी कुटुंब प्रसिद्धीच्या झोतात आल्या, त्यानंतर राजकारणी सुरेखा कोंडा यांनी नागा-सामंथावर टिप्पणी केली, ज्यामुळे आणखी खळबळ उडाली. अक्किनेनी यांच्या कुटुंबीयांनी सुरेखाविरुद्ध गुन्हा दाखल केला आहे. चित्रपटसृष्टीनं अक्किनेनी यांना पाठिंबा दिला आहे.
महत्त्वाच्या इतर बातम्या :
महत्त्वाच्या बातम्या
ट्रेंडिंग न्यूज
