Jubin Nautiyal : लोकप्रिय गायक जुबिन नौटियालचा अपघात; रूग्णालयात उपचार सुरु
Jubin Nautiyal hospitalised : लोकप्रिय गायक जुबिन नौटियाल (Jubin Nautiyal) जिन्यांवरून खाली पडल्याने गंभीर जखमी झाला आहे.
Jubin Nautiyal hospitalised : लोकप्रिय गायक जुबिन नौटियाल (Jubin Nautiyal) जिन्यांवरून खाली पडल्याने गंभीर जखमी झाला आहे. मिळालेल्या माहितीनुसार, ही घटना आज (शुक्रवारी) सकाळी घडली. जुबिनला मुंबईतील रुग्णालयात दाखल करण्यात आले आहे. या अपघातात जुबिनची कोपर फ्रॅक्चर झाली आहे. मात्र, बिल्डींगच्या पायऱ्यांवरून खाली उतरत असताना त्याच्या डोक्यालाही दुखापत झाली आहे. जुबिन नौटियाल अलीकडच्या काळात 'तू सामना आये', 'माणिके' आणि 'बना शराबी' सारख्या लोकप्रिय ट्रेडिंग गाण्यांसाठी प्रसिद्धीच्या झोतात आहे. मिळालेल्या माहितीनुसार, अपघातात जखमी झाल्यानंतर जुबिनच्या उजव्या हातावर शस्त्रक्रिया करण्यात येणार आहे. उजव्या हाताचा वापर न करण्याचा सल्ला डॉक्टरांनी दिला आहे.
Singer Jubin Nautiyal broke his elbow, cracked his ribs & hurt his head after he fell from a building staircase in the early hours of today morning. He was recently rushed to a hospital in Mumbai.He will undergo an operation for his right arm: Jubin Nautiyal's PR team
— ANI (@ANI) December 2, 2022
(File pic) pic.twitter.com/gABRe9UP2Z
तरूणाईत जुबिनची प्रचंड क्रेझ
जुबिन नौटियाल हा बॉलिवूडमधील प्रसिद्ध आणि तरुणांमधील सर्वात आवडत्या गायकांपैकी एक आहे. त्याच्याबरोबर झालेल्या अपघाताच्या वृत्तानंतर त्याच्या चाहत्यांचीही निराशा झाली असून तो लवकरात लवकर बरा व्हावा यासाठी प्रार्थना करत आहेत. नुकतेच जुबिनचे 'तू सामना आये' हे नवीन गाणे रिलीज झाले आहे. गुरुवारीच योहानीबरोबर गाण्याच्या रिलीज कार्यक्रमात तो दिसला होता.
जुबिन नौटियालची गाणी चाहत्यांना खूप आवडतात. आपल्या गाण्यांच्या जोरावर त्याने इंडस्ट्रीत आपली खास ओळख निर्माण केली आहे. जुबिनची 'लूट गये ते हमनवा मेरे', 'रात लंबिया', 'गुठ्ठी मोहब्बत में' अशी अनेक गाणी तरूणांमध्ये लोकप्रिय आहेत. अलीकडेच त्याने अजय देवगन, सिद्धार्थ मल्होत्रा आणि नोरा फतेही यांच्यावर चित्रित केलेले 'माणिक माघे हिते' हे व्हायरल गाणे देखील गायले आहे.
अनेक हिट गाणी देणाऱ्या जुबिन नौटियालबरोबरच्या या घटनेने त्याच्या चाहत्यांची निराशा झाली आहे. जुबिन त्याच्या गाण्यांबरोबरच त्याच्या लुक्समुळेही चर्चेत आहे. जबरदस्त गाणी आणि त्याच्या क्युट लूकमुळे सोशल मीडियावरही त्याच्या चाहत्यांची संख्या मोठी आहे.
महत्त्वाच्या बातम्या :
महत्त्वाच्या बातम्या
ट्रेंडिंग न्यूज
