Abdu Rozik : 'मूर्ती लहान किर्ती महान'; सलमान ते ए.आर. रहमान, सेलिब्रिटींना गाणं ऐकवणारा अब्दु रोजिक कोण?

अनेकांना असा प्रश्न पडला आहे की, अब्दु रोजिक कोण आहे? जाणून घेऊयात अब्दु याच्याबद्दल... 

Abdu Rozik

Abdu Rozik : गेल्या काही दिवसांपासून अब्दु रोजिक  (Abdu Rozik)  नावाच्या एका व्यक्तीचा बॉलिवूड सेलिब्रिटींसोबतचा व्हिडिओ सोशल मीडियावर चांगलाच व्हायरल होत आहे. व्हिडीओमध्ये सलमान खानला (Salman Khan) मिठी मारताना दिसतो, तर  कधी तो सोनू सूद (Sonu Sood) आणि ए.आर रहमान (A. R. Rahman) यांना त्याची गाणी ऐकवून त्यांची मनं जिंकतो. अनेक सेलिब्रिटींनी अब्दु रोजिकनं गाणं गाऊन दाखवलं आहे. पण सध्या अनेकांना असा प्रश्न पडला आहे की, अब्दु रोजिक कोण आहे? जाणून घेऊयात अब्दु याच्याबद्दल... 

अब्दु रोजिकची उंची जरी लहान असली तरी त्याच्यामध्ये टॅलेंट मोठे आहे. तो तजाकिस्तानमधील प्रसिद्ध गायक आहे. अब्दु हा एक रॅपर देखील आहे. एका रॅप साँगमुळे अब्दुला लोकप्रियता मिळाली. गायक आणि रॅपर असण्यासोबतच अब्दु हा  बॉक्सर, म्यूजिशियन आणि ब्लॉगर देखील आहे. सोशल मीडियावर अनेक जण अब्दुला फॉलो करतात.   

अब्दु रोजिकचे आहे युट्यूब चॅनल 
अब्दु रोजिकचे Avlod Media नावाचे एक युट्यूब चॅनल आहे. या चॅनलवर अब्दु  त्याच्या गाण्यांचे व्हिडीओ शेअर करतो. या चॅनलला पाच लाखांपेक्षा जास्त लोकांनी सब्सक्राइब केलं आहे. अब्दु हा इंस्टाग्रामवर देखील अॅक्टिव्ह असतो. इंस्टाग्रामवर त्याला  2.6 मिलियन फॉलोवर्स आहेत. सलमान खान, ए.आर. रहमान या सेलिब्रिटींसोबतचा अब्दुचा व्हिडीओ सोशल मीडियावर व्हायरल झाला होता. ए.आर. रहमान यांच्या मुलीच्या म्हणजेच खतिजा रहमानच्या रिसेप्शनला देखील अब्दुनं हजेरी लावली होती. 

अब्दुचे वय हे 18 वर्ष आहे. पण त्याची उंची ही  3 फीट 2 इंच आहे. बालपणी अब्दुला रिकेट्स नावाचा आजार झाला होता. त्यामुळे अब्दुची उंची वाढली नाही. 

हेही वाचा :