Siddharth Jadhav Marathi Play Animal: सिद्धार्थ जाधवचं आठ वर्षांनी रंगमंचावर दणक्यात पुनरागमन; 'ॲनिमल'मध्ये साकारणार दुहेरी भूमिका

Siddharth Jadhav Marathi Play Animal: 'ॲनिमल' हे नाटक महेश मांजरेकर लिखित आणि दिग्दर्शित असून सिद्धार्थ जाधव या प्रयोगात दुहेरी भूमिकेत दिसणार आहेत. विशेष म्हणजे, सिद्धार्थ जाधव या नाटकाचा निर्माताही आहे.

Siddharth Jadhav Marathi Play Animal

Source : ABP Majha

Siddharth Jadhav Marathi Play Animal: मराठी रंगभूमीवर (Marathi Theatre) नव्या नाटकांची चाहूल लागलेली असतानाच 'ॲनिमल' (Marathi Play Animal) या नाटकानं आणखी एक वेगळी चर्चा रंगवली आहे. अभिनेता सिद्धार्थ जाधव (Siddharth Jadhav) आठ वर्षांनंतर रंगमंचावर पुनरागमन करत असून या वेळी त्यांचा प्रवास केवळ एका प्रयोगापुरता मर्यादित नसून सलग प्रयोगांच्या मालिकेतून प्रेक्षकांसमोर उलगडणार आहे. ठाणे, बोरीवली, वाशी, दादर, पार्ले आणि मुलुंड अशा विविध नाट्यगृहांमध्ये 'ॲनिमल'चे सलग प्रयोग सादर होणार असल्यानं या नाटकाकडे रंगभूमीप्रेमींचं विशेष लक्ष लागलं आहे.

'ॲनिमल' हे नाटक महेश मांजरेकर लिखित आणि दिग्दर्शित असून सिद्धार्थ जाधव या प्रयोगात दुहेरी भूमिकेत दिसणार आहेत. विशेष म्हणजे, सिद्धार्थ जाधव या नाटकाचा निर्माताही आहे. आई-वडिलांच्या स्मरणार्थ सुरू केलेल्या 'ताराराम' या निर्मिती संस्थेची ही पहिली निर्मिती असून, या नाटकातून त्या संस्थेचा रंगभूमीवरील प्रवास सुरू होत आहे.

'ॲनिमल' नाटकाची कथा नेमकी काय? 

नाटकाची कथा दत्तू या तरुणाभोवती फिरते. छोट्या गावातून मुंबईत आलेला हा तरुण अभिनेता होण्याचं स्वप्न पाहतो. मात्र शहरातील स्पर्धा, अस्थिरता, नात्यांमधील अंतर आणि मानसिक ताण यांच्या घुसमटीत त्याचा प्रवास अधिक गुंतागुंतीचा होत जातो. एका व्यक्तीच्या मनात चालणारी ही झुंज रंगमंचावर एकपात्री शैलीत साकारली जाणार आहे.

सिद्धार्थ जाधव साठीही हा प्रयोग विशेष ठरणार आहे. नाटकाबाबत बोलताना सिद्धार्थ म्हणाला की, "हे नाटक मला कलाकार म्हणून नव्यानं तपासतं. प्रत्येक प्रयोगासोबत हा प्रवास अधिक खोल होत जातो. सलग वेगवेगळ्या रंगमंचांवर प्रेक्षकांसमोर उभं राहणं म्हणजे, प्रत्येक वेळी नवा अनुभव जगण्यासारखं आहे..." 

 

 

 

 

 

View this post on Instagram

 

 

 

 

 

 

 

 

 

 

 

A post shared by Animal Marathi Natak (@animal.marathinatak)

सध्या 'ॲनिमल'च्या तालमी जोरात सुरू असून येत्या काही दिवसांत ठाण्याच्या गडकरी रंगायतनपासून या प्रयोगांची सुरुवात होणार आहे. त्यानंतर बोरीवली, वाशी, दादर, पार्ले आणि मुलुंड येथे सलग प्रयोग रंगणार आहेत. स्वतः महेश मांजरेकर यांनी या नाटकाला संगीत दिलं असून, एकपात्री मांडणी आणि सिद्धार्थ जाधव यांचे रंगमंचावरील पुनरागमन यामुळे 'ॲनिमल'च्या या प्रयोगमालिकेबद्दल प्रेक्षकांमध्ये उत्सुकता वाढताना दिसत आहे.

महत्त्वाच्या इतर बातम्या :