Shruti Haasan: अभिनेत्री श्रुती हसन करतेय या आजाराचा सामना; पोस्ट शेअर करत दिली माहिती
श्रुतीनं (Shruti Haasan) नुकतीच एक पोस्ट सोशल मीडियावर शेअर केली आहे.
Shruti Haasan : दाक्षिणात्य चित्रपसृष्टीतील प्रसिद्ध अभिनेता कमल हासनची (Kamal Haasan) मुलगी अभिनेत्री श्रुती हासन (Shruti Haasan) ही सोशल मीडियावर अॅक्टिव्ह असते. सोशल मीडियावरील पोस्टमुळे तसेच वैयक्तिक आयुष्यामुळे श्रुती चर्चेत असते. श्रुती ही गॉथ या कल्चरला फॉलो करते. याबाबत ती सोशल मीडियावर पोस्ट शेअर करते. श्रुतीनं नुकतीच एक पोस्ट सोशल मीडियावर शेअर केली आहे. या पोस्टमध्ये श्रुतीनं तिला झालेल्या आजाराची माहिती दिली आहे. सध्या श्रुतीच्या या पोस्टनं अनेकांचे लक्ष वेधलं आहे.
श्रुतीनं तिच्या सोशल मीडियावरील पोस्टमधून तिच्या हेल्थबाबत चाहत्यांना माहिती दिली आहे. PCOS (पॉलीसिस्टिक ओवरी सिंड्रोम) या आजाराचा सामना श्रुती करत आहे. या आजारावर मात करण्यासाठी ती योग्य आहार आणि शरीराला रेस्ट देणं या गोष्टींना फॉलो करत आहे, असं श्रुतीनं पोस्टमध्ये सांगितलं. श्रुतीनं तिचा वर्क-आऊट करतानाचा एक व्हिडीओ शेअर केला आहे. या व्हिडीओला दिलेल्या कॅप्शनमध्ये तिनं PCOS बाबत सांगितलं. PCOS मुळे हार्मोन्स इम्बॅलेन्स होतात तसेच यामुळे ब्लोटिंगची समस्या जाणवते. तसेच शरीरामधील मेटाबॉलिकमध्ये बदल होतात, असं या पोस्टमधून श्रुतीनं सांगितलं. 'माझं शरीर सध्या पर्फेक्ट नाहीये पण माझं ह्रदय आहे. हॅप्पी राहा', असंही श्रुतीनं तिच्या पोस्टमध्ये लिहिलं आहे.
पाहा श्रुतीची पोस्ट
View this post on Instagram
श्रुतीची 'बेस्टसेलर' ही वेबसीरिज 18 फेब्रुवारीला अॅमेझॉन प्राईम व्हिडीओवर प्रदर्शित झाली. या सीरिजचे दिग्दर्शन मुकुल अभ्यंकर यांनी केले आहे. तर अल्केमी एलएलपी, सिद्धार्थ पी मल्होत्रा, सपना मल्होत्रा हे या सीरिजचे निर्माते आहेत. लवकरच तिचा 'सालार' ‘Salaar’ नावाचा सिनेमादेखील प्रेक्षकांच्या भेटीला येणार आहे. या सीरिजचे दिग्दर्शन मुकुल अभ्यंकर यांनी केले आहे. या चित्रपटामध्ये श्रुतीसोबतच अबिनेता प्रभास देखील महत्वाची भूमिका साकारणार आहे. रमैय्या वस्तावैय्या या हिंदी चित्रपटामध्ये देखील श्रुतीनं काम केलं आहे.
महत्त्वाच्या बातम्या
