Snake In Shahrukh Khan House: शाहरुख खानचं टेन्शन वाढलं, 'मन्नत' बंगल्यात दोन साप; 8 फूट लांबीची धामण पकडली, पण दुसरा सापडेनाच... नेमकं घडलं काय?

Snake In Shahrukh Khan House: वन विभागाच्या मार्गदर्शनानुसार, घटनास्थळी पोहोचल्यानंतर बंगल्याच्या आवारात एका शिडीखाली 8 फुट लांबीचा धामण जातीचा बिनविषारी साप आढळून आला.

Snake In Shahrukh Khan House

Source : ABP Majha

Snake Rescue In Shahrukh Khan Mannat Bungalow: बॉलिवूडचा (Bollywood News) किंग शाहरुख खानचं (Shahrukh Khan) मुंबईतील (Mumbai News) वांद्रे (Bandra) इथे असलेलं घर नेहमीच चर्चेच्या केंद्रस्थानी असतं. शाहरुख खान (Actor Shahrukh Khan) राहत असलेलं 'मन्नत' (Mannat) हे आलिशान घर पाहण्यासाठी देशभरातून कित्येक चाहते त्याच्या घराबाहेर गर्दी करतात. शाहरुख खानच्या याच 'मन्नत' बंगल्यात (Mannat Bungalow) सध्या खळबळ माजली आहे. शाहरुख खानच्या 'मन्नत' बंगल्यावर दोन सापांचा वावर (Snake In Shahrukh Khan Mannat) असल्याचं निदर्शनास आलं आहे. 8 फूट लांबीच्या धामण सापाचं (Rat Snake) इथून रेस्क्यूसुद्धा करण्यात आलंय. 
  
मुंबईतील (Mumbai News) वांद्रे पश्चिम इथला अभिनेता शाहरुख खानच्या 'मन्नत' बंगल्यावर दोन साप आढळल्याची माहिती मिळाल्यानं एकच खळबळ उडाली. 17 ऑगस्ट रोजी रात्री सुमारास 8 वाजता सर्पमित्र विक्की दुबे यांना मन्नत बंगल्याच्या परिसरात दोन साप एकमेकांमध्ये गुंडाळलेल्या अवस्थेत असल्याचा फोन आला. त्यानंतर त्यांनी वन विभागाच्या राऊंड ऑफिसर दीपक दादा गायकवाड आणि मुंबई रेंज कार्यालयाच्या ठाणे कंट्रोलला माहिती दिली.

वन विभागाच्या मार्गदर्शनानुसार, घटनास्थळी पोहोचल्यानंतर बंगल्याच्या आवारात एका शिडीखाली 8 फुट लांबीचा धामण जातीचा बिनविषारी साप आढळून आला. सर्पमित्र विक्की दुबे यांनी कोणतीही इजा न होऊ देता, सुरक्षितपणे सापाचं रेस्क्यू केलं.

दरम्यान, दुसरा साप मात्र परिसरात लोकांची वर्दळ सुरू झाल्यानं तिथून पळून गेला. रात्री उशिरापर्यंत त्याचा शोध घेण्यात आला, मात्र तो आढळून आला नाही. 

धामण साप बिनविषारी असल्याची माहिती मिळाल्यानंतर 'मन्नत'च्या सुरक्षा रक्षकांसह घरातील व्यक्तींनी सुटकेचा नि:श्वास सोडला. रेस्क्यू केलेल्या सापाला वन विभागाच्या मार्गदर्शक सूचनांनुसार, त्याच्या नैसर्गिक अधिवासात सुरक्षितपणे सोडण्यात आलाय. 

जगभरात प्रसिद्ध आहे, शाहरुख खानचं निवास्थान असलेलं 'मन्नत' (Shahrukh Khan Mannat Bungalow)

बॉलिवूडचा सुपरस्टार शाहरुख खान याचं आलिशान घर मुंबईतील वांद्रे येथील Bandstand परिसरात, समुद्राच्या किनाऱ्यालगत आहे. 'Mannat Land's End' या नावानं ओळखलं जाणारं हे घर मुंबईतील सर्वाधिक चर्चेत असलेल्या सेलिब्रिटी घरांपैकी एक आहे. वाढदिवस किंवा ईदसारख्या खास प्रसंगी शाहरुखची एक झलक पाहण्यासाठी त्याच्या घराबाहेर चाहत्यांची मोठी गर्दी होते. इतर दिवशीही 'मन्नत'ची झलक पाहण्यासाठी आणि घराबाहेर लावण्यात आलेल्या नेमप्लेटसोबत फोटो काढण्यासाठी इथे चाहते तुफान गर्दी करतात. 

महत्त्वाच्या इतर बातम्या :