Sayani Gupta: 'कट म्हटल्यावरही तो Kiss करत राहिला', इंटीमेट सीनवर या अभिनेत्रीचा धक्कादायक खुलासा, म्हणाली, 'समोर 70 पुरुष होते आणि..'
अनेकदा इंटिमेट सीनमध्ये कलाकार सहअभिनेत्रींवर वर्चस्व गाजवतात अशा अनेक कथा समेार आल्या आहेत.
Sayani Gupta:ओटीटी विश्वात बॉलिवूडची सयानी गुप्ता अष्टपैलू आणि स्पष्टवक्ती अभिनेत्री म्हणून ओळखली जाते. आपल्या अभिनयातून तिनं अनेक वैविध्यपूर्ण भूमिका आजवर साकारल्या आहेत. 4 मोअर शॉट्स प्लिज, इनसाईड एज,आर्टिकल १५ अशा दमदार कलाकृतींमध्ये आपल्या अभिनयाची चमक दाखवलेल्या सयानीनं एक धक्कादायक खुलासा केलाय. एका इंटिमेट सीनच्या शुटींगदरम्यान, दिग्दर्शकानं 'कट'म्हटल्यानंतरही एका सहकलाकारानं चुंबन लांबवल्याचं सांगत तिला अस्वस्थ करणाऱ्या अनुभवाचा तिनं खुलासा केला. मनोरंजनसृष्टीत घडलेल्या अस्वस्थ करणाऱ्या अनुभवांवर अनेकजण कचरतात तर काही स्पष्टपणे बोलतात. अनेकदा इंटिमेट सीनमध्ये कलाकार सहअभिनेत्रींवर वर्चस्व गाजवतात अशा अनेक कथा समेार आल्या आहेत. कट म्हटल्यावरही अभिनेता सहअभिनेत्रीला कीस करत राहिल्याचेही अनेकदा ऐकायला मिळाले आहे. अशातच सयानीनं इंटीमेट सीन करताना तिच्यासौबत घडलेल्या एका प्रसंगाचा अनुभव शेअर केलाय.'जॉली एलएलबी 2', 'जब हॅरी मेट सेजल', 'आर्टिकल 15' आणि 'बार बार देखो' यांसारख्या अनेक चित्रपटांमध्ये काम केलेल्या सयानी गुप्ताने नुकतेच रेडिओ नशाशी संवाद साधताना याविषयी सांगितले.
असुरक्षित वाटत होते..
एका सिनेमासाठी गोव्यात शुटिंग करत असताना सयानीसोबत घडलेल्या इंटिमेट सीनदरम्यान घडलेली घटना तिनं शेअर केली. ती म्हणाली, गोव्यात लहान ड्रेसमध्ये तिला समुद्रकिनारी वाळूत झोपायचे होते. तिच्यासमोर क्रू मेंबरसह जवळपास ७० लोक होते. यावेळी सयानीला खूप असुरक्षित वाटत होते असं ती सांगते. सेटवर तिच्याशेजारी एकही व्यक्ती नव्हता जो तिला शाल देऊ शकेल. कर्मचारीही नव्हते. सीन कापल्याबरोबर तिला जवळच्या कोणीतरी शाल देऊन मदत करावी अशी इच्छा असली तरी, अशी कोणतीही व्यवस्था सेटवर नव्हती. ती म्हणाली, "त्या दिवशी 800 एक्स्ट्रा आले होते, आणि मला असे वाटत होते की, 'मला फक्त एक व्यक्ती तिथे शाल आणून द्यावी.' असे बरेच वेळा होते कारण आम्ही इतक्या गर्दीत शूट करतो की कोणाचीही सुरक्षितता ही मनात शेवटची गोष्ट आहे."
कट म्हटल्यावरही कीस करत राहिला
काही लोकांना असं वाटतं की इंटीमेट सीन शुट करणं सोपं असतं कारण ते तांत्रिक पद्धतीनं शूट केले जातात. याबद्दल सयानी सांगते, याचाच काही लोक फायदा घेतात. तिनं याचा सामना केल्याचंही तिनं सांगितलं. एकदा दिग्दर्शकानं कट म्हटल्यानंतरही तो ॲक्टर तिला कीस करत राहिल्याचं तिनं सांगितलं. हे अतिशय असभ्य आणि अयोग्य वर्तन असल्याचं ती सांगते. सयानीनं कोणाचंही नाव यात उघड केलं नसलं तरी ती सांगते, बरेच लोक या परिस्थितीचा फायदा घेतात. अनेकदा कट म्हटल्यानंतरही ॲक्टर चुंबन लांबवतात. अनेकदा ते अगदी सटल असते पण ते केवळ असभ्य वर्तन आहे, असं सयानी सांगते.
महत्त्वाच्या बातम्या
