Ved Lavlay Song Teaser : रितेशच्या वाढदिवसानिमित्त सलमानकडून भेट; 'वेड' चित्रपटाचा टीझर शेअर करत दिल्या खास शुभेच्छा

Ved Lavlay Song Teaser : रितेश देशमुखच्या वाढदिवसानिमित्त सलमान खानने 'वेड' या मराठी चित्रपटाच्या गाण्याचा टीझर शेअर केला आहे.

Ved Lavlay Song Teaser

Ved Lavlay Song Teaser : बॉलिवूड अभिनेता रितेश देशमुखचा (Riteish Deshmukh) आज वाढदिवस आहे. रितेश आज आपला 44 वा वाढदिवस साजरा करत आहे. बॉलिवूडचा भाईजान सलमान खान आणि रितेशची बॉन्डिंग खूप स्ट्रॉंग आहे हे आपल्या सगळ्यांनाच माहित आहे. अनेकदा हे  दोघेही एकमेकांची मस्करी करताना दिसतात. अशा वेळी रितेशच्या वाढदिवसानिमित्त सलमान खानने त्याला खास पद्धतीने वाढदिवसाच्या शुभेच्छा दिल्या आहेत. रितेशचा लवकरच 'वेड' (Ved) हा मराठी चित्रपट प्रदर्शित होणार आहे. सलमान खानने रितेश देशमुखला वाढदिवसाच्या शुभेच्छा देताना या चित्रपटातील 'वेड लावले' या गाण्याची झलक चाहत्यांना दिली आहे.

सलमानकडून रितेशला भेट 

'वेड' चित्रपटातील गाण्यात रितेश देशमुखबरोबर सलमान खानही दिसत आहे. या गाण्यात रितेशबरोबर सलमानही खास भूमिका साकारताना दिसणार आहे. गाण्याचा टीझर शेअर करताना सलमान खानने मराठीत लिहिले, 'भाऊ चा वाढदिवस आहे. गिफ्ट तो बनता है'. गाण्याचा टीझर अप्रतिम दिसत आहे. याबरोबरच गाण्याचे संगीतही अप्रतिम दिसतंय. टीझरमध्ये तुम्ही पाहू शकता की सलमान आणि रितेश स्वॅगमध्ये चालताना, नाचताना एकंदरीतच धम्माल करताना दिसतायत. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Salman Khan (@beingsalmankhan)

चाहत्यांमध्ये प्रचंड उत्सुकता 

रितेश देशमुखच्या वाढदिवसानिमित्त सलमान खानने दिलेलं हे गिफ्ट चाहत्यांनाही खूप आवडलं आहे. सलमानच्या या पोस्टवर चाहत्यांच्या सुद्धा वेगवेगळ्या प्रतिक्रिया देत आहेत. पोस्टवर कमेंट करताना एका यूजरने लिहिले, 'खिशात ग्लास. ही सलमान खानची पूर्ण शैली आहे. तर दुसऱ्या यूजरने लिहिले आहे, 'इसी का तो इंतजार था'. रितेश देशमुखचा मराठी चित्रपट 'वेड' 30 डिसेंबरला थिएटरमध्ये रिलीज होणार आहे. या चित्रपटात रितेशबरोब जेनेलिया देशमुखही मुख्य भूमिकेत दिसणार आहे. 

महत्त्वाच्या बातम्या :