Salman Khan Old Friend Statement: 'सलमान खान और मैं साथ में नंगे नहाए हैं...'; भाईजानबाबत अत्यंत जवळच्या मित्राचा खळबळजनक खुलासा, काय सांगितलं?

Salman Khan And I Bathed Naked Together Old Friend Statement: बॉलिवूड अभिनेता सलमान खान आणि अभिनेता राजू श्रेष्ठ बालपणीचे मित्र. राजू श्रेष्ठ म्हणजे, बॉलिवूडसाठी काही नवखं नाव नाही. राजू श्रेष्ठला 'मास्टर राजू' नावानं ओळखलं जातं.

Salman Khan And I Bathed Naked Together Old Friend Statement

Source : ABP Majha

Salman Khan And I Bathed Naked Together Old Friend Statement: बॉलिवूडचा (Bollywood News) दबंग खान सलमान खानचे (Salman Khan) जगभरात अनेक चाहते आहेत. आजवर आपण सलमान खानचे अनेक किस्से ऐकले आहेत. कधी त्याचे कुटुंबीय, तर कधी मित्रमंडळींनी सलमान खानचे अनेक गंमतीशीर किस्से शेअर केले आहेत. सध्या असाच एक सलमान खानचा किस्सा चर्चेत आला आहे. सलमान खानच्या जुन्या मित्रानं त्यांच्या लहानपणीच्या आठवणी शेअर केल्या आहेत. त्यापैकी एक किस्सा सध्या व्हायरल होत असून अनेकांच्या भुवया उंचावल्या आहेत. 

बॉलिवूड अभिनेता सलमान खान आणि अभिनेता राजू श्रेष्ठ (Raju Shrestha) बालपणीचे मित्र. राजू श्रेष्ठ म्हणजे, बॉलिवूडसाठी काही नवखं नाव नाही. राजू श्रेष्ठला 'मास्टर राजू' नावानं ओळखलं जातं. 'मास्टर राजू' या नावानं राजू श्रेष्ठनं अनेक सिनेमांमध्ये बालकलाकार म्हणून काम केलंय. अलिकडच्या मुलाखतीत बोलताना अभिनेत्यानं सलमान खानसोबतच्या जुन्या आठवणींना उजाळा दिला आहे. त्यासोबतच अनेक गंमतीशीर किस्सेही शेअर केले आहेत. 

राजू श्रेष्ठनं खुलासा केला की, सलमानसोबतची त्याची मैत्री खूप जुनी. त्यांनी त्यांचं बालपण मुंबईच्या वांद्रे परिसरात एकत्र घालवलं. ते एकत्र सायकल चालवायचे आणि बालपणीच्या मजामस्तीचा भाग म्हणून ते अनेकदा नग्न होऊन आंघोळ करायचे... 

 

 

 

 

 

View this post on Instagram

 

 

 

 

 

 

 

 

 

 

 

A post shared by Raju (@itsmasterraju)

राजू श्रेष्ठ सलमान खानसोबतची आठवण सांगताना काय म्हणाला? 

राजू श्रेष्ठ मुलाखतीत बोलताना म्हणाला की, "सलमान आणि मी एकत्र नग्न होऊन आंघोळ केलीय, पण आता मला ते अपेक्षित नाही, कारण तो खूप मोठा स्टार आहे." अभिनेता पुढे बोलताना म्हणाला की, सलमान मोकळ्या मनाचा आणि अत्यंत दयाळू व्यक्ती आहे. दरम्यान, तो त्याच्या भावनांवर नियंत्रण ठेवू शकत नाही, म्हणूनच लोक कधीकधी त्याला चुकीचं समजतात.  तसेच, "सलमान डोक्यानं कमी आणि मनानं जास्त काम करतो. कधीकधी तो एखाद्याच्या इमारतीखाली उभा राहून शिवीगाळ करायचा, किंवा तो त्याच्या माजी प्रेयसीच्या घराबाहेर जाऊन आरडाओरडाही करायचा. त्यानं कधीकधी तर मारामारीही केलेली. तो त्याच्या भावनांवर नियंत्रण ठेवू शकत नाही. पण तो एक चांगला माणूस आहे आणि त्याचं मन निर्मळ आहे..."

सलमान आणि राजू श्रेष्ठ यांची मैत्री कशी जमली? 

सलमान आणि राजू यांची फार जुनी मैत्री आहे. सलमान सुपरस्टार नव्हता, तेव्हापासून दोघे एकमेकांना ओळखतात. लोक त्या दोघांकडे पाहून म्हणायचे की, "मास्टर राजू यांच्यासोबत एक मुलगा उभा आहे..."

दरम्यान, सलमान खाननं नंतर राजूला त्याच्या सिनेमांमध्येही संधी दिली. त्याला 'बागी'मध्ये एक भूमिका मिळालेली, जिथे तो उटीला शूटिंगसाठी गेला होता. काही वर्षांनंतर, त्यांनी 'चल मेरे भाई'मध्ये एकत्र काम केलं. राजूचा असा विश्वास आहे की, सलमान खानबद्दल अनेकदा गैरसमज होतात, पण प्रत्यक्षात तो खूपच निर्मळ मनाचा व्यक्ती आहे.

महत्त्वाच्या इतर बातम्या :