सलीम खान यांना हॉस्पिटलमध्ये दाखल का करण्यात आलं? त्यांची आता प्रकृती कशी? मोठी अपडेट समोर

Veteran Screenwriter Salim Khan Under Close Medical Observation: सलीम खान यांना 17 फेब्रुवारी रोजी अचानक प्रकृती बिघडल्याने रुग्णालयात दाखल करण्यात आले. त्यांच्यावर उपचार सुरु आहेत.

Veteran Screenwriter Salim Khan Under Medical Observation

Source : Canva

Veteran Screenwriter Salim Khan Under Medical Observation: ज्येष्ठ पटकथा लेखक आणि अभिनेता सलमान खानचे वडील सलीम खान यांची काल अचानक प्रकृती बिघडली.  त्यांना 17 फेब्रुवारी रोजी मुंबईच्या लीलावती रुग्णालयात दाखल करण्यात आले. त्यानंतर काही वेळातच  सलमान खानने रुग्णालयात धाव घेतली. तसेच संपूर्ण खान कुटुंबाने रुग्णालयात धाव घेतली. या बातमीनंतर चाहते सलीम खानच्या प्रकृतीबद्दल चिंतेत आहेत.  त्यांची प्रकृती नेमकी कशामुळे बिघडली? त्यांना नेमकं झालं तरी काय?  असे अनेक प्रश्न  अजूनही अनुत्तरित आहेत. मीडिया रिपोर्ट्सनुसार, सलीम खान यांच्यावर आयसीयूमध्ये उपचार सुरू आहेत. दरम्यान, जर्नलिस्ट विक्की ललवानी यांनी  मोठा खुलासा केला आहे. त्यांनी  सलीम खान यांच्या रुग्णालयात दाखल होण्यामागील कारण उघड केले आहे.

विक्की ललवानी  यांनी इन्स्टाग्रामवर एक पोस्ट शेअर केली. या पोस्टमध्ये त्यांनी सलीम खान यांना रुग्णालयात दाखल करण्यामागचं कारण सांगितले आहे. ब्लड क्लॉट तयार झाल्यामुळे त्यांना त्रास होत असल्याची माहिती समोर आली आहे. 'सलीम खान यांना खूप चक्कर येत होती. त्यानंतर सलमान खान आणि त्यांच्या कुटुंबियांनी त्यांना तातडीने वांद्रे येथील लीलावती रुग्णालयात नेले. सलीम खान सध्या आयसीयूमध्ये उपचार घेत आहेत. त्यांचे व्हायरल पॅरामीटर्स स्थिर आहेत',  असं त्यांनी पोस्टमध्ये म्हटलं आहे. 

सलीम खान यांच्यावर आयसीयूमध्ये उपचार सुरु

90 वर्षीय सलीम खान यांच्यावर उपचार करणारे डॉ. जलील पारकर यांनी पीटीआयशी बोलताना, सलीम खान यांच्या तब्येतीविषयी माहिती दिली. मंगळवारी सकाळी 8:30 वाजता सलीम खान यांना आयसीयूध्ये दाखल करण्याची माहिती दिली. 'सलीम खान यांची प्रकृती स्थिर आहे. परंतु, त्यांच्या  वैद्यकीय स्थितीवर सध्या बारकाईने लक्ष ठेवले जात आहे', असं डॉ. जलील पारकर यांनी त्यांच्या निवेदनात म्हटलं आहे. 

सलीम खान यांची कारकीर्द

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Instant Bollywood (@instantbollywood)

अनेक चाहते अजूनही सलीम - जावेद हा काळ आठवतात. सलीम खान आणि जावेद अख्तर यांच्या जोडीने मिळून हिट चित्रपटांमध्ये मोठं योगदान दिलं.  1970 साली हिंदी सिनेमांमध्ये त्यांनी उल्लेखनीय योगदान दिले. 'सीता और गीता, जंजीर, शोले, त्रिशूल, क्रांती आणि डॉन यांसारख्या आयकॉनिक चित्रपटांसाठी त्यांनी पटकथा लिहिली.